Sundfjord

2011-05-26T15:37:00.000-07:00

Don't come around here no more!

2010-02-13T03:45:00.000-08:00

No er det jammen lenge sidan eg skreiv noko her. I mellomtida har eg arbeida med å få opp ein ny og finare blogg, som er uavhengig av dei ekle restriksjonane ekle Blogger har. Eg kan dermed stolt linke til den nye sida mi, sundfjord.com. Det er der all magien kjem til å skje frå no av. Så ikkje kom tilbake hit.

Gøyalt

2010-02-02T08:17:00.000-08:00

Det er ei stund sidan eg fann det ut, men det er først no mangelen på noko å skrive om er så påtrengande at eg nemner det. Det kan hende alle veit det, men sidan mange linkar meg youtube-videoar og ber meg sjå frå til dømes 13:37 ut i filmen, så virkar det ikkje sånn. Iallfall:

Dette er ein link til ein video på YouTube.
http://www.youtube.com/watch?v=z600WL0j1ck

Dette er ein link til ein video på YouTube, der filmen automatisk startar frå 2 minutt og 36 euti filmen, som tilfeldigvis er det noko brutale høgdepunktet i filmen.
http://www.youtube.com/watch?v=z600WL0j1ck#t=2m36s

See what I did there? Ved berre å legge til " #t=02m36s " bak video-URL'en startar filmen frå 30 sekund. Stilig. Så slepp den du linkar videoen til å finne det fram sjølv. Lettvint, og du kan briefe med det. Kanskje.

The Temper Trap

2010-01-28T16:06:00.000-08:00

Eg synest det er kjekt å oppdage nye band. No i det siste har eg gjort akkurat det.
The Temper Trap er eit australsk band som spelar deilig, atmosfærisk rock. Dei minnar litt om U2, berre at vokalisten er eit indonesisk geni med tøffe briller, ikkje ein litt plagsom ire med ein tidvis frustrerande sleik.

Det er sikkert mange som har høyrt songen Sweet Disposition i ulike reklamar og liknande. Grunnen til dette er at den er jævlig bra. Heldigvis er dette berre begynnelsen. Resten av førstealbumet deira, Conditions, er nesten like bra. Eg anbefaler hordane av lesarar på denne bloggen til å høyre gjennom. Dei har berre eitt album, og det er ikkje spesielt langvarig, så det er fort gjort.

Avhengighet

2010-01-25T08:56:00.001-08:00

Eg er ein fyr som vert lett avhengig av ting. Kanskje først og fremst ting som foregår på datamaskiner, som til dømes små spel, morosame kattebilete og liknande.

Dei nye avhengighetane mine føregår ikkje på data. Dei føregår stort sett i munnen min. Eg trur nemlig eg har blitt avhengig av saft, tannpirkarar, grøne druer og ikkje minst fullstendig overdreven og unødvendig linking til ting alle veit kva er.

Referat frå cupfinalehelga

2010-01-23T03:37:00.001-08:00

Etter eit innfall av skrivelyst på fredag, skribla eg ned ein del setningar som etter kvart tok form av et referat frå cupfinalehelga. Heile referatet kan lesast her.

Skrivesperre

2010-01-21T13:35:00.000-08:00

Det var ein periode i desember då eg skreiv mykje på bloggen. Eg spydde ut innlegg som ei annan fjortenåring som har kjøpt seg ny sminke ho føler seg nødt til å fortelje om. Denne perioden er over. Mykje fordi det ikkje lenger er desember og 900 fridagar, men også fordi eg ikkje har peiling på kva eg skal skrive om. Eg har nemnt kva eg skal gjere på skulen framover. Eg har nemnt at eg brukar ein del tid på å sjå på ymse seriar på DVD. Dei fleste som les bloggen eller generelt har den minste idè om kven eg faktisk er har vel også etter kvart fått med seg at eg driv på og drylar litt volleyballar rundt omkring relativt ofte. Meir skjer det strengt tatt ikkje i det lettbeinte livet mitt. Det skjer mykje rart inne i hovudet mitt, men noko av det er for personleg eller berre direkte feil for vevpubliseringar. I alle høve, korkje eg eller den middelaldrande dama i lilla nedanfor (forøvrig henta frå Google etter å ha søkt på "wondering") veit kva eg skal gjere med skrivesperra.

Eg fell ikkje for freistinga til å lage poll om kva eg skal skrive om slik dei proffe gjer, og eg skal heller ikkje påføre folk som har forslag til ting å skrive om lidelsen det er å prøve å kommentere noko med den talentlause, tvungne innlogginga som trengst for kommentering her. Veit dermed ikkje korleis eg skal få tilbakemeldingar, men eg ser for meg at å sende meg eit brev i posten er lettare og mindre strevsomt enn å kommentere på bloggen.

Som ein siste ting å sei før alle bestemmer seg for å aldri besøke denne keisame bloggen igjen, kan det nemnast at det forhåpentligvis kjem ein aldri så liten godbit av ein film i løpet av fredagen. For dei som håpar på ein lang feature-film, kan eg røpe at temaet eventuelt vert glorifisert volleyballdryling. Sjølv om ein film er å håpe på mykje, er det derimot større håp for eit lengre referat frå cupfinalehelga i Randaberg. Eg håpar det kan ha allmenn interesse, for gjengiving av hendingar er det einaste hjernen min klarar å bidra med for tida. Forhåpentligvis klarar eg å gjengi hendingane med ein lettbeint tone og gjerne med eit åpent forhold til fakta. Slik kan det kanskje verte litt morosamt. Kanskje ikkje like morsomt som dette morosame biletet nedanfor av ein søt kattunge som ligg på eit tastatur, men kanskje oppimot 80% så morsomt som biletet. Dette er sjølvsagt individuelt utfrå type humoristisk sans. No masar eg. Ironisk for ein som skryt på seg å ha skrivesperre.

ABC, easy as 123.

2010-01-18T15:36:00.000-08:00

Då var også ex-phil-karakteren min komen tilbake. Til trass for minimal satsing på faget slo eg til med ein relativt ufortent A. Skjønar ikkje kva eg har gjort for å bli behandla slik. Eg var iallfall ein av 24 som fekk A, av dei totalt 457 deltagande i faget. Stilig.

Jammen er det synd at ex.phil er slik eit ubrukeleg fag som ingen bryr seg om. Men som eit trøst, så har eg iallfall fått A, B og C i haustsemesterfaga. Artig med ABC. Fnis fnis. No skal eg straks sove, for eg skal i morgon, tysdag, ta til å lære meg programmering i Java Kl 08.15. Hjelpe meg.

Meir innhaldsrike dagar?

2010-01-17T05:00:00.000-08:00

Heilt sidan eg leverte den siste oppgåva i ex.phil 9.desember har eg hatt ferie. Den første skuledagen var 12.januar og varte i to timar. I mellomtida har eg slaura, trent litt og generelt ikkje gjort noko fornuftig. Det er kanskje etterkvart på tide at dagane mine blir litt meir meiningsfylte. Etter å ha tatt ein kikk på faga for dette semesteret, trur eg ikkje det skal bli eit problem å ha nok å gjere på. Eg skal ha tre fag, INFOMEVI171, INFO132 og INFO114. Det ser spennande ut, men det blir nok også mykje arbeid. Men det er vel fint. Eg har fri på onsdagar, og den har eg avtalt å bruke til først ein times styrketrening saman med sambuaren min Flotve junior, og deretter skal den brukast til lesing. Så gjenstår det å sjå om eg kan halde det målet.

Sjølv om det er ei veke sidan no, så har eg ikkje gløymt cupfinalehelga heilt. Eg sendte i går mail til TV2 om å få/kjøpe opptaket dei gjorde av kampen. Målet er å få tak i opptaket og deretter lage ein litt fancy redigert film av det og kanskje også Ivar sitt opptak. Fleirkameraproduksjon hadde vore stilig. Uansett har eg også planlagt å etterkvart skrive referat med meir fokus på det som skjedde ellers i helga, utanom kampen. Eg satsar iallfall på å ha begge deler ute innan januar. Ellers gløymer eg garantert alt som skjedde. Dette skal iallfall vere eit fint sideprosjekt for meg.

No reiser eg straks til Stemmemyren for å sjå BSI spele mot Koll. Eg håpar Andrea Aase Hole er komen til hektene igjen etter den dramatiske skaden ho pådro seg i går. Etter kampen skal eg heim og slappe av før eg skal gjennom den mest "stressande" veka i livet mitt på ei god stund. Huff og huff, korleis skal dette gå?

Laurdagens kamp

2010-01-17T04:41:00.000-08:00

Jepp, då er det nok ein spelefri søndag, noko som gjer meg plenty med tid til å skrive ei oppdatering på kva som skjer i det utruleg uspennande livet mitt.

Etter cupfinalesuksessen i Randaberg førre helg var det spennande å sjå om me kunne halde nivået oppe når me i går spelte ny seriekamp på samme plass mot samme lag. Og gjett om me tok utfordringa. Men me fekk ein litt spesiell oppladning til kampen. Det innebar å køyre ein leigebil som viste seg å ha ein feil på motoren. Det gjorde , etter først å ha kjørt opp heile oppoverbakken i ein undervannstunell i andre gir, med rundt 4000 omdreiningar heile vegen, at me måtte stoppe litt forbi Stord og vente ein time på ein ny (og betre) bil. Me ankom Randaberghallen omlag ein time før kampstart. Optimalt? Neppe.

Kampen i seg sjølv blei ein kort affære. Etter å ha feid over Randaberg med 25-7 i første sett, spelte Randaberg litt betre i dei to neste, men dog utan å vere i nærleiken av å true oss. Det tok oss under ein time å gå sigrande av banen. Svært imponerande av oss, som har ein tendens til å sleppe oss nedpå i kampar me har kontroll på. Me koste oss på banen i går, så det var kjekt. For min eigen del fekk eg, akkurat som i finalen, fint lite å gjere på. Nokre hoppservar som eg for det meste tok meg greit av og nokre gratisballar var behaldninga for min del. Tar det som eit kompliment at Randaberg servar vekk frå meg.

Anyway, me reiste frå Randaberg omlag kvart over tre. Kort prosess, med andre ord. Eg kom heim rundt kvart på ni på kvelden, og brukte den til å chille med dr.House.

Cupmester!

2010-01-10T07:36:00.000-08:00

I går gjekk finalen av stabelen i Randaberghallen. Rundt 850 tilskodarar blei vitne til ein ganske uspennande finale. Nyborg spelte ein veldig god kamp, medan Randaberg ikkje fekk til mottaket sitt og fekk slite mot monsterblokka vår. Dermed grei 3-0- siger og cupgull! Det var ei ekstremt god kjensle å sjå lagkaptein Gamlefar løfte pokalen i veret. Eg har alltid ønska å spele på eit lag som når opp på aller høgaste nivå. Som junior har eg alltid vunne mange medaljar regionalt, men i NM har Strand-Ulv aldri nådd heilt opp. Nærmast var me tilbake i 2008, då me kom til semifinale og hadde Førde i kne, men dumma oss ut og kasta vekk ei soleklar leiing i tie-break. Det var utruleg bittert, fordi eg var redd det var siste sjanse til å vinne ein NM- medalje. Ikkje få medalje, men VINNE. Vere best. Heldigvis stemte ikkje det. No er eg endelig best. Det betyr mykje for meg, og det skal eg nyte.

Eg er utruleg heldig som plutselig fekk sjansen til fast spel på Norges beste lag. Samtidig er det ingen som fortener det meir enn meg, etter avsindig mange treningstimar heime i gymsalen og seinare hallen på Hatlestrand og på den slitne parketten i Stemmemyren. Og når eg først fekk den sjansen, har eg tatt godt vare på den med stort sett stabilt spel så langt. Meiner eg sjølv, iallfall. Eg er spent på fortsettelsen. For dette ga meirsmak!

No skal eg kvile på laurbæra denne søndagskvelden. Det blei seint i seng etter å ha feira gullet skikkelig. Er ganske trøtt no, derfor skal eg kvile og sjå på ein eller annan serie. Det blir deilig, for i morgon er det tilbake til treningskvardagen og oppladning til ny seriekamp borte mot Randaberg neste helg.

Cupfinale

2010-01-08T05:13:00.001-08:00

Då var det klart for cupfinale mellom Randaberg og Nyborg i morgon. Kampen går i Randaberghallen kl 16.00. Det blir ein stor opplevelse å spele cupfinale føre eit forhåpentligvis firesifra antal publikummarar. Eg gler meg veldig. Som før kvar volleyballkamp girar eg meg opp med å sjå på videoar av dei beste spelarane. I den anledning vil eg framheve denne. Ikkje berre inneheld den det beste frå volleyballen i Beijing- OL 2008, men den er også lagt ut i framifrå HD- kvalitet. Fantastisk.

No er det straks klart for avreise. Du og du, dette blir spanande.

2010

2010-01-04T15:31:00.000-08:00

Då var me inne i 2010. Eg likar å sei totusenogti. Har ikkje noko mot tjueti- versjonen, men utan å tenke over det blir det totusenogti. Eg har laga meg eitt nyttårsforsett som eg skal prøve å følge:

- Ikkje lage nyttårsforsett

Dette forsettet var ganske greit, då det automatisk blei fullført når eg fann det på, og samtidig bestemte meg for ikkje å lage fleire. Genialt i all sin enkelhet.

2009 var eit greitt år, verken meir eller mindre. Om eg skal oppsummere 2009 med ett einaste ord, så vil det ordet vere "totusenogni". Meir innhaldsrikt kjem eg ikkje på. Må innrømme at dette greiene om nyttår er frykteleg, frykteleg oppskrytt. Mest ein i utgangspunktet teit unnskyldning om å feste. Eg har med andre ord få spanande kjensler kring årsskiftet. Det meste vert oppsummert i denne songen.

Eg vart litt skuffa no, for eg trudde at det skulle vere mykje interessant å skrive no i det første innlegget i 2010, men det var det absolutt ikkje.

What to do?

2009-12-24T17:05:00.000-08:00

Då var julafta over for i år. Det har vore ein kjempefin dag. Ikkje for å virke rasistisk, men jula er rett og slett betre når den er kvit. No ventar romjula, med mykje fri og tid til å gjere kva ein vil.

Til romjula har eg sikra meg godt mot kjedsomhet. Eg har nemlig tilgjengelig følgjande:

- True Blood, sesong 1.
- House, sesong 1.
- The Wire, sesong 1 og 2.
- Heroes, sesong 2.
- Family Guy, sesong 3.

Spørsmålet er rett og slett berre kor eg skal byrje, kva eg bør prioritere. Hjelp.

God jul!

2009-12-24T06:41:00.000-08:00

I dag er det julafta. Eg ønsker alle ei riktig god jul! :)

Vinter

2009-12-19T17:34:00.000-08:00

Det har komme mykje snø no dei siste dagane. Skikkelig mykje. Snø er koseleg. Eg kjeda meg som vanleg ein god del denne laurdagen, så kva er betre å bruke ein laurdagskveld på enn å kle på seg, gå ut i snøføyka og fotografere og bli skikkelig kald? Ikkje veit eg. Iallfall, så vart det nokre stemningsfulle bilde av det. Dei er ikkje veldig gode, då eg ikkje hadde stativ for handa, men eg gjorde det beste ut av det. Gadd ikkje vere nazi på bildekvalitet, men sette heller fokus på at det skulle gå fort å overføre og laste opp. Sidan det er stress å legge inn mange bilde i eit innlegg med Blogger, legg eg inn eitt og henviser heller til det komplette albumet.

Gøy

2009-12-18T17:03:00.000-08:00

I dag har det vore ein gøy dag. Det er fire grunnar til det. Fem, faktisk.

1. Eg klarte Fade to Black på Expert på Guitar Hero: Metallica. Songen er vanskeleg.
2. Eg fekk C på eksamen i INFO100.
3. Eg fekk B på eksamen i MEVI106.
4. Eg var flink og trente styrke i dag.
5. Bror min viste meg eit nytt vanedannande spel. Det heiter Dice Wars og er kjempegøy. Dice Wars kan du spele her.

Poenget med spelet er for øvrig at du krigar om landområde gjennom terningkast. Du får utdelt nokre landområde og eit visst antal terningar til å byrje med, deretter må du bruke hjernen til å vurdere kva landområde som vil vere logisk og strategisk lurt å krige om, og størst sjanse for å vinne.

Juletid

2009-12-16T14:36:00.000-08:00

No er det jul. Eg plar ikkje få julestemninga før eg set i gong med å handle julepresangar. Det kan diskuterast kva eg legg i uttrykket julestemning når eg først får det når stresset byrjar. Uansett har eg altså begynt, eg er faktisk nesten ferdig, og det rekordtidleg. Det skulle kanskje berre mangle, sidan eg ikkje har gjort noko som helst anna enn å gå på trening dei siste drøye tre vekene. I dag gjorde eg for øvrig noko. I dag var eg nemlig på Ricks og såg Are Kalvø oppsummere 2009. Det var morosamt, Are Kalvø er definitivt på pallen når det gjeld komikarar. Satirisk humor med utstrakt bruk av ironi, sarkasme og overdriving er gøy. Ikkje like gøy som ordspel eller gjennomsnittleg like gøy som Lolcats, men likevel.

Men det var faktisk ikkje det einaste eg gjorde i dag. Eg kjøpte også julegåver. Ikkje berre gåver til vener og familie, eg har også kjøpt nokre gåver til meg sjølv. I mangel av eigen PC, har eg kompensert med å unne meg nokre godbitar som skal halde DVD- spelaren varm resten av desember. Eg handla inn sesong 1 av House og True Blood, dessutan ga eg Børge sesong 1 av The Wire. Halve poenget var ærlig talt å få sjå den sjøl under samvitsfullt påskudd av at det var ei gåve. Men ingen kan klage på innsatsen, eg brukte faktisk fleire minutt på å (få den) pakka inn (av ei gåveinnpakke-jente på Bystasjonen). Heldigvis opna Børge den på flekken slik at eg kan ta den med heim til jul! Og jammen ga han meg ikkje ein julepresang også. Han ga meg filmen Gamer. Den satt han og såg på når eg kom heim. Noko seier meg at den guten har eit laust forhold til presangar. Nok om det.

Eg kjøpte i tillegg inn Guitar Hero 5 til PS2'en min. Eg har no GH : 3, 4, 5 og Metallica. Det blir med andre ord nok å gjere på. Skal også prøve å få trent litt styrke, og då skal eg om ikkje anna vere betre enn denne karen:

I morgon skal eg reise heim. Eg skal vere i Ølve til over nyttår, og det kjenner eg at eg gler meg til. Det er like greit å gjere absolutt ingenting heime som å gjere det i byn. Sofaen heime er også marginalt betre å ligge på, så det er berre fryd og gammen med å reise heim. Og det er jo flott deh.

Tidsfordriv

2009-12-14T15:20:00.000-08:00

Har du tjue minutt til overs som du ikkje har peiling på kva du skal bruke på?
Her er svaret:

Gimme Friction Baby

Randaberg - Nyborg

2009-12-14T05:55:00.000-08:00

Eg og min kjære sambuar Flotve junior sat og såg på norske volleyballvideoar då eg plutselig kom over ein video som viser ein del ballvekslingar mellom Randaberg og Nyborg frå Randaberghallen tidligare i år. Eg er ikkje heilt sikker, men eg trur det er ein kar med namn Toru Uesugi som har redigert denne godbiten. Så all kreditt går til han. Burde sikkert spurt om løyve til å legge ut videoen på bloggen, men eg satsar på at fleire visningar er kjekt nok til å rettferdiggjere den skamlause embeddinga.

Sunday, Bloody Sunday

2009-12-13T15:41:00.000-08:00

Jau, då var det søndag igjen. Eller, det er teknisk sett måndag, men for meg vil nok måndag likne søndagen når det kjem til innhald, så det spelar ingen rolle. Eg har jo ferie! Eg må seie at søndagar er rimelig kjedelige når eg ikkje har kamp. Ein skikkelig emo-dag.

Etter at eg leverte den siste ex-phil- oppgåva mi 13.59 (fristen var 14.00) på onsdag, er haustsemesteret 2009 offisielt over. Og hjelp, eg slit med å finne på underhaldande ting å gjere på med så mykje tid. Eg kjedar meg såpass om dagane at eg vurderer å kjøpe inn masse pennar slik at eg kan spele "Pen behind the ear" Genialt. Men eg er ikkje heilt der enda.

Av det som har vore nemneverdig i det siste, kjem ein vel ikkje utanom kampen vår mot Førde på laurdag. Me tapte første sett etter bra spel frå Førde, men i dei tre neste viste me kvifor me kjem til å vinne serien. Med god tenning og magisk coaching frå assistenttrenar Janne snudde me kampen totalt og vant greit 3-1. Veldig solid kamp, nok ein gong. Det lovar godt før cupfinalen. Det var også brukbart med liv på tribunen i kampen, med rundt 100 tilskodarar. Forhåpentligvis blir det antalet minst tidobla når cupfinalen går av stabelen i Randaberg!

Kvelden etter kampen blei tilbrakt i Salhus med god drikke og godt lag (i dobbel forstand, eg var på fest med laget mitt, som jo er et godt lag). Me var hos Cato, og dei fleste på laget samt enkelte andre stilige individ var tilstades. Det var ein perfekt kveld, greit å sleppe stresset med å gå på byn. Og jammen kjørte ikkje stipendgutten Kåre meg heimatt også. Flott deh.

No har eg stort sett sete i sofaen min heile søndagen. Eg har ikkje hatt data store deler av dagen, og eg merkar at litt av meg døyr utan nett tilgjengelig. Heldigvis har eg kost meg med snooker på Eurosport, ein finale i UK Championships. Igrunnen ein ganske kjedelig tv-idrett, men med så mykje Internett-laus tid, funka det veldig bra. Har stort sett fått med meg heile sendinga til Eurosport, som varte frå 1900 til 0115. Og nei, eg har ikkje eit liv.

No må eg skynde meg å skrive ferdig, for eg har 9 Dexter-episodar eg må sjå før sesongfinalen for sesong 4 blir tilgjengelig for nedlasting.

Usedvanleg stygge band

2009-12-09T15:43:00.000-08:00

Eg kjedar meg. Eg kom tilfeldigvis over eit albumcover. Albumet heitte Lost in a Dream og vart laga av REO Speedwagon. Det første eg tenkte var at dette bandet var heilt utruleg framifrå stygt. Alle som ein såg dei ut som tractorpulling-entusiastar. Eller Alexander Rybak- fans. Uansett, det fekk meg til å sjå litt vidare etter bilete av stygge band. Og du verda, eg fant, eg fant! Sjå berre her.

Først og fremst var altså REO Speedwagon. Legg spesielt merke til mannen med det drøymande blikket bak til venstre.

Deretter har me 60-talsbandet The Association. Sweet sixties.

Så følgjer ei rekkje svenske danseband. Først ut er Garvis. I dette bandet er alle like stygge. Men min favoritt er nok likevel den kristne seriemordaren oppe til venstre.

Neste på lista er Gert Jonnys (ja, du las riktig). I tillegg til eit stygt bandnamn og ein bekledning som burde vore forbudt verden over, ser kvar og ein av desse karane ut som oppkast. Kudos!

Hick. Ingen betring i bandnamnet, men heldigvis gjennomsnittlig litt mindre stygg gjeng. Desverre øydelegg kjekkasen nede til høgre for resten av gruppa. Fy faen så stygg. Oppe til høgre ser me for øvrig ein ung Bjørn Kjos.

Jan Werners. Typisk dansebandnamn, men ikkje heilt vellukka. Høgdepunkta her må vere mannen til venstre, som gjer eit hederlig forsøk på å ha håret symmetrisk oppe og nede. Den mildt sagt mislykka frisøren til feiten oppe til høgre vekkjer også latter.

Som eit avbrot i alle dansebanda kan me ta ein kikk på denne skjønnheten. Joyce er hennar namn, og ho vart iallfall definitivt ikkje anklaga for å spele på sex på albumcovera sine. Heldigvis.

Siste band ut, Larz Kristerz, skal få kudos for å ta stilen heilt ut. Pluss også for spenstige z'ar på slutten av namnet. Men stort meir er det ikkje å hente for desse skrotingane.

Du skal ikkje sjå bort frå at det vert ei fortsetjing på dette blogginnlegget. Det er framleis mange skjønnhetar frå gløymde tider som ventar på å få kome ut i lyset. Eg har ikkje eingong begynt på glamrock- band.

Ringetone-mekking for primitive og dummies

2009-12-08T15:20:00.000-08:00

Det er sikkert nokon som kunne hatt interesse av å lage sine eigne ringetonar. Det er begynt å bli ein del år sidan sist eg brukte ein ringetone laga av andre. I dag laga eg meg nokre nye. Eg tenkte det kunne vere fint å dele mi oppskrift på korleis ein gjer dette. Det er litt ulike framgongsmåtar for Mac og PC. Steg 1 og 2 i denne vetle "guiden" er for Mac-brukarar.

1. Enten må du ha eit brukande redigeringsprogram installert (Final Cut e.l) eller så må du ha Parallels på maskina. Parallells er eit program som lar deg køyre Windows på Mac parallelt med Mac'en sitt operativsystem. Har du ikkje dette kan du laste ned trial-versjonen her. Aberet er sjølvsagt at du må registrere deg. Men det er kjapt gjort.

2. Når du har starta Parallels så er det best å skifte visningsmåte. Skift visningsmodus gjennom Dock-ikonet -> View -> Coherence Mode. Dette gjer at du fritt kan skifte mellom dei to operativsystema, og det er oversiktleg og kjekt. Gå ned på Start-menyen i Windows og finn fram Windows Movie Maker.

3. I WMM er det berre å leike seg. Importer songen du vil lage ringetone av ved å trykke på "import audio or music" og finn deretter fram fila. Dra fila ned på tidslinja og klipp vekk det du ikkje vil ha med. Eg gidd ikkje lære folk WMM, det får ein nesten lære seg sjølv. Når du er ferdig, trykk Fil(e) -> Save Movie File. Deretter velger du navn og plassering, blabla.

4. Du vil no ha ringetonen ferdig lagra i WMA- format. Eg veit ikkje korleis det er med kule, nymotens mobiltelefonar, men min er gammal og taklar ikkje WMA- format, som jo er Windows sitt lydformat. Det er derfor lurt å konvertere fila til mp3- format. Derfor må ein bruke eit konverteringsprogram. Eg fann eit enkelt, gratis og kjekt eit her. Vel inne i programmet er det berre å trykke "Add Files" og finne fram filene du vil konvertere.

5. Du har no ringetonen din liggjande i mp3- format på samme stad som WMA- fila. På Mac burde det vere lett å sende fila over til mobilen, Bluetooth er din venn her. Eg giddar ikkje forklare framgangsmåte for dette, alvorleg talt. Nyttar du Windows, kan det vere litt verre. Eg gidd som regel berre gjere dette på Mac. Men dei fleste andre mobilar har vel tilbehøyr som tillet kobling til PC. Eventuelt har kanskje mobilen mulighet for oppkobling til Internett, og då kan ein jo berre sende ein mail til seg sjølv med lydfila som vedlegg og laste den ned på mobilen.

Det er ikkje sikkert nokon bryr seg i det heile tatt om korleis eg lagar ringetonar til mobilen. Men neste gong du høyrer telefonen min ringer, veit du korleis eg skaffa meg akkurat den delen av Smooth Criminal som ringetone. Spørsmål og kommentarar er forresten gøy.

2009-12-08T07:56:00.001-08:00

Kreativ og morosam overskrift

2009-12-07T04:03:00.000-08:00

Eg er litt usikker på kva eg skal skrive som overskrift, eg er ikkje så god på akkurat det. Det eg veit at eg skal skrive, er at helga blei så vellukka som den kunne ha blitt.

Grunnen til det er ganske enkel. Me slo Tromsø ganske så lett i går, samt at på laurdag så vant United, Chelsea tapte og Liverpool dreit seg ut nok ein gong. Det var altså ikkje så mykje som kunne gå godt eller gale i utgangspunktet, men det som kunne gå bra, gjekk bra.

Det var ein kjekk kamp mot Tromsø i går. Me rota ein god del i første settet, og serva litt enkelt, og tok vel ikkje ledelsen før rundt 21-20. Dei neste setta blei meir komfortable. Då spelte me solid og fokusert volleyball. Samtidig fekk me brukt alle spelarane som var med i troppen. Flott at dei som ikkje speler så masse får spele når me har muligheten til det.

Eg var faktisk den einaste på laget som spelte heile kampen, trass i at eg var småsjuk og knapt sov natta før. Formen til trass, eg gjorde ein god kamp. Ingen spesielt dårlege mottak, eit fåtal greie forsvarsredningar og perfekte gratisballar. Eg blei ikkje spesielt pressa i mottak, fekk generelt få servar på meg (trur eg, eg har sagt det før, men så viser det seg på statistikken at eg har fått mest av alle) men det er likevel viktig å gjere jobben sin.

Denne veka er det jobbing med den avsluttande oppgåva i ex.phil fram til onsdag, deretter har eg rett og slett ikkje peiling kva eg skal finne på fram til jul, bortsett frå å trene. Får prøve å bole meg litt. Men forslag til aktivitetar er velkomne.

Ei tankevekkande natt

2009-12-04T19:48:00.000-08:00

Eg sit stort sett oppe til langt på natt kvar einaste natt, sjølv når eg veit eg skal tidleg opp dagen etter. Sjølv når eg skal spele kamp dagen etterpå. Uansett. Det er ikkje fordi eg har så mange viktige ting å gjere, men fordi eg rett og slett ikkje klarer å leggje meg. Eg har prøvd å leggje meg tidleg, men det ender som regel med at eg står opp att fordi eg ikkje får sove. Det er deilig å sitje oppe om nettene. Vanskeleg å forklare. Dei fleste morgonar, trøtt og jævlig, angrar eg på at eg blei sitjande oppe. Frå no av kjem eg ikkje til å angre lenger. Frå no av kjem eg til å ville vere våken døgnet rundt, heile året.

Tidlegare i kveld planla eg nemlig å sjå mange episodar av sesong tre av Dexter. Eg tenkte at før eg begynte med det ville eg sjå gjennom nokre nettaviser først. Eg klikka meg inn på ein artikkel i Bergens Tidende om ei kreftsjuk jente som måtte gi tapt mot sjukdommen. Grunnen til at dette fekk spalteplass, i motsetnad til mange andre som døyr av kreft, var at ho hadde ein blogg der ho skreiv om utviklinga i kreftbehandlinga og hennar tankar kring dette, som vart følgt av svært mange. Eg klikka meg inn på denne bloggen. Då var klokka begynt å nærme seg eitt.

No er klokka nøyaktig fem om morgonen, og eg har eg lest kvart bidige ord Regine Stokke skreiv på bloggen sin. Eg oppfordrar oppriktig dei (sannsynlegvis) få som les bloggen min til å lese iallfall deler av det ho skriv. Eg er utruleg imponert over kor formidabelt godt ei så ung jente skriv. Evna til å setje ord på vanskelege kjensler, samt formuleringsevne og forklaringsevne i forhold til detaljar rundt sjukdommen var ein profesjonell forfattar verdig.

I tillegg til ei fantastisk leseoppleving, får det som er skreve ein til å reflektere. Dersom eg har gløymt å kjøpe brød og må 500 meter til butikken for å gjere det, ville eg mest sannsynleg ha sukka og klaga. Regine Stokke ville i lange periodar under behandlinga av sjukdommen sin ha gitt kva som helst for å i det heile tatt vere i stand til å gå 500 meter. Det får ein til å tenke, gitt! Kjem nok til å få ein flau smak i munnen neste gong eg klagar meg når eg må gå til butikken.

Jøss, dette blei bortimot sentimentalt. Men eg meiner det.

Priceless

2009-12-03T17:26:00.000-08:00

Eg prøver så godt eg kan, men eg klarer ikkje la vere å poste ultramorsomme kattebilete med morosamt tekst til på denne bloggen. Ber om orsaking til alle som hatar det.

2009-12-03T17:10:00.001-08:00

Eget domene plx!

2009-12-02T14:54:00.000-08:00

Etter eit semester med Nye Medier på UiB og med det ein del webdesign-relatert, har eg blitt ganske så interessert i webdesign og dets uante moglegheiter. Som eit ledd i å tøyle trangen til å leike meg med dette, vurderer eg å bytte frå blogspot.com til wordpress.com. Kjem nok isåfall også til å punge ut litt ekstra for å få mitt heilt eige domene, på samme måten som den stilige sida til Ole Martin.

Eg veit ikkje heilt kvifor eg gjer det, då eg verken er spesielt flink med webdesign eller skriv frykteleg mykje på bloggen min. Men eg føler wordpress gjer litt større fridom til å setje inn gøyale javascripts og liknande enn blogspot, og generelt er meir egna for folk som vil ha det gøy med html. Det har vel og litt med å gjere at eg skal byrje å programmere så smått i Java til våren.

Men er dette tilfellet, eller tilbyr blogspot.com like gode tilhøve for Javascripts og manuell koderedigering som wordpress? Tell me.

Homosport

2009-12-02T03:12:00.000-08:00

Det er mange som sperrar opp augo når eg seier eg driv på med volleyball. "Homo", tenker dei nok dersom dei har lest Pondus og tatt til seg fordommane som lettpåvirkelige, tilbakeståande fjortisar. Dersom alle som likar volleyball er homo, er det nemlig rart at verda har befolkningsvekst i det heile.

Det viser seg nemlig at i ulike undersøkingar er volleyball alltid blant dei fire-fem mest populære sportane i verda, sett frå eit estimert antal utøvarar og interesserte. Volleyball bankar sportar som handball, basketball, golf, og baseball langt ned i parketten. Volleyball er estimert til å ha nærmare ein milliard utøvarar, tilskodarar og interesserte verda over.

Topp 5 lista hos dei fleste kjeldene er forøvrig:

1. Fotball, 3,5 milliardar utøvarar og interesserte
2. Cricket, 3 milliardar utøvarar og interesserte
3. Landhockey, 2 milliardar utøvarar og interesserte (!)
4. Tennis, 1 milliard utøvarar og interesserte
5. Volleyball, 900 millionar utøvarar og interesserte

Og dei seier volleyball ikkje er ein publikumsidrett. Fysj.

People call me a hypocondriac, which really hurts...

2009-12-01T17:22:00.000-08:00

Jepp, då er klokka nærmare halv 3 og eg kjedar meg igjen. Då er den vanlege utvegen å skrive litt her.

For øyeblikket har eg ikkje spesielt masse på tapetet. Breddetesten i går enda med 10/10, det betyr meir eller mindre at eg er ferdig på skulen for 2009. Det betyr ikkje at eg ikkje har meir skulearbeid å gjere, men det kan skrivast heime. Må berre levere inn siste ex-phil- oppgåve, så er eg heilt ferdig. Oppgåva skal inn den 9.des. Trur eg.

Ellers er det blitt bestemt at årets herrefinale i volleyball skal gå føre seg i Randaberg. Veldig skuffande, då BSI blei trekt heime og me kunne ha laga eit fint dobbelarrangement (Dersom dei slår Blindheim, vel og merke). Også litt kjipt fordi det hadde vore kjekt om vener og kjente kunne komme og sett på. Dei færraste er vel så interesserte at dei reiser til Randaberg for å sjå finalen. Så det var synd!

Til å muntre meg opp har eg heldigvis funne to geniale komikarar på YouTube. Den første fortalte Jarle meg om, han heiter Stewart Francis og har heilt geniale one-linarar. Bedre enn i Radioresepsjonen, bedre enn Horatio Caine. Video finn du her. Anbefalast.

Den andre heiter Tim Vine. Stilen hans er litt lik, ein heil drøss med onelinarar. Videoen eg såg er frå showet hans, "So I Said To This Bloke", og spesielt del 2 på YouTube er heilt fantastisk. Kan ikkje tru at eg brukte mellom fem og ti minutt på å sjå på ein komikar prøve å kaste pennar slik at dei festar seg bak øyret sitt. Det er sikkert vanskeleg å tru, men det er verkeleg verdt å sjå.

No må eg legge meg. Må vere opplagt til å i morgon, då meg og Børge skal ta julevasken! Så får me sjå om julestemningen kjem etterkvart.

Ny utsjånad

2009-11-29T17:33:00.001-08:00

Sidan eg har ein ubegripelig trang til å gjere unødvendige ting som tar lang tid først etter klokka har passert 00.00, så har eg no fiksa utsjånaden til bloggen min.

Frå å vere kjedelig svart og dyster har eg funne ein fin template som eg har tweaka littegrann. Vonar at dette ser bedre ut. I den grad nokon bryr seg om det.

Eg har iallfall fått kasta vekk mange timar eg kunne brukt på søvn, då er eg godt nøgd.

Cupfinale

2009-11-29T14:41:00.001-08:00

Hurra. Me tok oss av Førde i går, sjølv om me ikkje spelte opp mot vårt aller beste. Det vart ein rar kamp, der laga var overlegne i annakvart sett. Femtesettet hadde me full kontroll på etter strålande side-out og bedre enn gjennomsnittleg poengspel. Ufattelig deilig å sjå Kvams banke inn matchballen. Finalemotstandar blir Randaberg, noko eg syns er flott og velfortent.

Personleg følte eg kampen var heilt grei, men ikkje meir. Hadde okei hoppservmottak, mens flakkmottaket kunne vore bedre, sjølv om det på ingen måte var veldig dårlig (trur eg). Fekk og plukka nokon ballar i forsvar, men føler det var fleire ballar eg burde ha plukka. Så det var så som så. Vanskeleg for meg å skrive om kor god eg var, då 100 perfekte mottak og 1 halvdårlig kunne fått meg til å vere misnøgd med ein kamp. Perfeksjonist? Ja.

Så no vert det spennande å sjå trekningen måndag morgon som avgjer kor finalen går. Draumen må vere både Nyborg og dei kjekke jentene i BSI i kvar sin finale i Bergen. Dei vann sin kvartfinale-omkamp 3-1 mot Oslo Volley, gratulerer! Dei fleste reknar med at BSI skal ha god kontroll på Blindheim i semifinalen, så dobbelt bergensk finale, kanskje også i Bergen, er absolutt realistisk. Litt synd at Koll slo UiS i dag, ellers kunne det kanskje alternativt ha blitt eit flott dobbeltarrangement i Stavanger?

I dag har eg vondt i hovudet. Ikkje fordi eg var ute i går. Eg var for trøytt og sliten i kropp og sjel til å ta meg heilt ut på byn. Så i dag, søndag, har blitt ein slapp dag, med mykje Fifa10 og avslapping og lite lesing til breddetesten i ex.phil. Det får bli i morgon. Fekk 10/10 på generalprøven førre veke, så trur det skal gå.

Giddsj skrive meir no. Livet mitt har i grunn ikkje meir å by på.

2009-11-29T14:34:00.001-08:00

2009-11-26T03:32:00.000-08:00

2009-11-25T04:54:00.001-08:00

Bursdagen min

2009-11-24T02:40:00.001-08:00

Hipp hurra. I dag fyller eg 20 år. Eg skal fortelje dykk korleis eg feirar den store dagen.

00.00 - 03.00 : Spele Fifa10.
03.00 - 10.00 : Sove.
10.00 - 18.00 : Lese til eksamen.
18.00 - 19.00 : Reise heim, ete middag, hente treningsklede.
19.00 - 22.30 : Trening.
22.30 - 23.59 : Lese til eksamen.
00.00 - 00.01 : Sjekke Facebook for første gong for dagen for å sjå kor mange notifications eg har fått.

Hurra for å bli 20.

Trist kvardag

2009-11-18T09:15:00.000-08:00

Etter ein lang periode med ganske så greit ver, har regnet vendt tilbake til heimbyen Bergen. Det er venta regn heile veka og muligens også stort sett heile neste veke. Om mogleg, så gjer dette kvardagen min enda tristare. Eksamenlesing heile dagane, regn og Death Cab for Cutie på mp3'en. Det blir ikkje tristare enn det. For å lette på tristheten skriv eg her.

Ivar lyste opp den ellers grå dagen min med å sende statistikk frå Randaberg- kampen. Mottaksstatistikken viste 2.63/3. Det er nok ein gong meget gode tal. Når eg tenker over det, er det berre enda tristare at det er statistikk over kor gode mottak eg har i ein volleyballkamp som må til for å gjere kvardagen min mindre trist.
Eg er kul på den måten!

Jaja. Tilbake til eksamen. Eksamenane mine går av stabelen onsdag 25.november i INFO100, grunnkurs i informasjonsvitskap, og fredag 27.november i MEVI106, introduksjon til film, tv og nye medier.

Eg prioriterer å lese på INFO100, fordi eg føler eg kan ganske mykje av det som står i pensumbøkene i MEVI106 etter tre år på vidaregåande med det samme stoffet, samt fleire veker med internpraksis i Brostein. Ein kan skrive mykje av sine eigne erfaringar på MEVI106- eksamen, har eg blitt fortalt. Sjølv om mine MEVI106- relaterte erfaringar er grovt sett rimelig mangelfulle, er mine erfaringar med å lese pensumlitteratur i INFO100 mykje, mykje meir mangelfull.

Men kva gjer vel det, når pensum er så gøy som det er? Eg reknar med "alle" som les dette innlegget får vatn i munnen av å tenke på å lese bøker som omhandlar gøyale ting som Human-Computer Interaction, OSI- modellen, von Neumann- arkitektur og genetiske algoritmar.

Jaja. Eg har god tru på greie eksamenskarakterar. Definisjonen av kva greie eksamenskarakterar er, er noko heilt anna.

Kort update

2009-11-15T17:09:00.000-08:00

Eg er smålei det meste akkurat i skrivande stund, så det blir kortversjonen av det ukentlige innlegget som "alle" ventar i spenning på. NAT.

Me spelte kamp på laurdag mot Randaberg i Randaberg. Me vant greit 3-0. Spelet mitt var ok, sjølv om eg ikkje fekk mange servar på meg. Det er kjekt at me virkar å vere solide når cupsemifinalen er berre 2 veker unna. Gler meg til den kampen.

Eg gler meg derimot ikkje til skulen denne veka. Det blir mykje lesing til eksamen og mykje gay skriving av ex-phil-utkast. Gler meg VELDIG til å vere ferdig med det møkkafaget.

No skal eg slå av Spotify og gå og legge meg, ellers tenker eg meg nok i hel. Alternativt så dør eg snart av epilepsianfall etter overdreven Fifa10- speling.

Må forøvrig sei at begge deler er artige måtar å dø på.

Ein god song.

2009-11-15T16:59:00.000-08:00

Death Cab for Cutie - Transatlanticism

It's time to kick ass and chew bubblegum, and I'm all outta gum...

2009-11-08T15:52:00.000-08:00

seier Duke Nukem. Artig, artig.

Veka som gjekk var i grunn relativt lite innholdsrik. Skulemessig har eg vore litt flink og litt slappfisk om ein annan. Eksamenslesing er tungt! Men føler eg er komt greit i gang, og gler meg til å vere ferdig med eksamen, så å motivere seg er ikkje så vanskeleg som i fjor.

Neste veke ventar for øvrig muntleg presentasjon av semesteroppgåve i grunnkurset i informasjonsvitskap, INFO100. Det blir leikande lett. Håpar eg. I tillegg er det tid for internpraksis igjen, denne gong skal gruppa lage webside om noko Bergen-relatert. Eg treng tips til kva eg skal lage side om. Eg gler meg for øvrig til å stjele html-kode i fire dagar. Trur kanskje webdesign er noko eg kan ha lyst til å fordjupe meg i når den tid kjem.

På laurdag spelte me kvartfinale i cupen mot Tromsø. Me vann 3-0. Det var litt seigt til å begynne med, i ein periode då Tromsø gjorde det godt. Men etter kvart tok me kontroll og viste den innsatsviljen og positiviteten me har snakka om å vise. Kjekt å vinne, og eg gler meg enormt til semifinale. I fjor rauk Nyborg ut i semifinalen, det skal ikkje gjenta seg. Eg er innstilt på å ta cupgull i min første sesong i eliteserien. Personleg gjekk kampen i grunnen bra! Eg hadde ein mottakspresisjon på 2.64 / 3 (noko som betyr at Kåre har gjennomsnittlig per mottak hatt 2.64 realistiske oppleggsmuligheter) Det er veldig bra, sjølv om eg fekk ta imot betydeleg færre servar enn dei andre på laget. Perfeksjonsprosenten på rundt 60% kan framleis forbedrast. Likevel, ein god kamp.

På kvelden blei det litt drikking med påfølgjande bytur. Eg plar vanlegvis ikkje å ha det noko særlig gøy på byn, men denne gongen var det absolutt gokjennbart! Søndagen blei brukt til restituering (på fleire måtar) og avslapping. Det var awesome.

Det håpar eg at neste veke blir også.

BKT - Nyborg

2009-11-02T16:05:00.000-08:00

Lars Ivar Henriksen har vore så kul at han har lagt ut kampen mellom Tromsø og Nyborg. Kampen kan de finne her.

Stockholm Syndrome

2009-11-02T03:31:00.001-08:00

Mange har vel fått det med seg allereie, men for dei som ikkje har det, så gjekk det lukt åt helvete i innleiande i Nordic League i Stockholm i helga. Me tapte 0-3 for både Sollentuna og Marienlyst etter fryktelig dårlege prestasjonar. Marienlyst gjekk heilt til topps. I og med at me knuste Marienlyst sønder og saman i september, er me veldig, veldig skuffa over innsatsen vår. Alle spelte under pari, og savnet av Øivind er ikkje til å komme vekk frå.

Ein ting som etter ei slik helg blir meir og meir åpenbart er at norsk innandørsvolleyball er dårlegare enn nokonsinne. Nyborg er fullstendig suveren i heimleg serie, men er ikkje i nærleiken av å kvalifisere seg for Nordic League- finalespel. Kvifor? Fordi Nyborg aldri får god nok internasjonal matching. Det er sikkert cocky å seie, men alle veit at det er heilt sant. Det blir aldri nødvendig å ta ut det ytterste, derfor er det vanskelig å ta det ut når me plutselig møter god motstand. Det er skuffande, og det er mange i Nyborg som ønskar endring på ein eller annan måte. Så får me sjå kva det vil innebere.

Ein annan ting som er for meg og mange andre heilt fullstendig uforståelig er forbundet si prioritering i forhold til seniorlandslag. Forbundet sitt mål er at Norge sitt seniorlandslag skal vere på topp to i Norden, altså betre enn både Danmark og Sverige. Korleis skal me bli det fullstendig utan landslagsaktivitet og deltakelse i EM-kvalik o.l? Skulle gjerne visst kva tankar forbundet har om dette. Eg regnar med forbundet si begrunning vil vere dårleg økonomi. Då foreslår eg at dei går ut med ei melding der dei annonserer at alle ambisjonar og håp og satsing på at Norge skal bli ein god innandørsnasjon er avlyst grunna dårleg økonomi. Det er håplaust å ha ein slik ambisjon når dei ikkje eingong klarer å skrape saman pengane til eit skikkeleg arrangement av cupfinale. Den eine happeningen i norsk innandørsvolleyball årleg som det er litt blest om, med TV- sending og det heile er på få år blitt redusert til ingenting, overlatt til tilfeldighetane ved ein trekning om det kjem 100 eller 1000 og ser på cupfinalen.

Om det ikkje blir seniorlandslagsaktivitet framover, så vil det vere ei synd og skam. Spelarmaterialet Norge rår over er slett ikkje dårleg! 88/89- generasjonane, som nok vil bli ei stamme i eit landslag, må vere nokon av dei beste som er av volleyballgenerasjonar i Norge på ei stund. Likevel blir ikkje potensialet utnytta. Siste aktivitet seniorlandslaget til Norge hadde, var VM- prekvalik i Latvia. Her slo Norge Sverige 3-0, med 4 88/89- modellar i startoppstillinga. Sverige hadde vore på samling i Storbritannia og spelt treningskampar mot dei veker i forvegen. Norge hadde hatt to treningsøkter i lag. Dermed seier det seg sjølv at potensialet er der.

Situasjonen slik den er no er iallfall meiningslaus. Forbundet prioriterer å sende juniorlandslaga avgårde på turneringar, dette er vel og bra, men kva hjelper det, når desse talentfulle juniorlandslagsspelarane har ein direkte elendig eliteserie og eit ikkje-eksisterande seniorlandslag å gå til? Det er heller ikkje lett å bli oppdaga av gode skandinaviske eller europeiske klubbar når nivået i Norge er så dårleg. ToppVolley har heldigvis gjort eit genialt grep i år, ved å sende eit lag med motiverte, talentfulle spelarar rundt i Europa der dei får spele og trene med gode internasjonale lag, samt skape gode kontaktar til seinare. Eg er misunnelig. Grr.

Uff, det blei mykje negativt no. Det er slik det blir når ein ser idretten ein elskar forfalle.

Dessutan er eg sur fordi eg må lese til eksamen no.

StatCounter

2009-10-29T17:28:00.000-07:00

Jøss. Eg putta på måndag inn ein søt liten kode som ga meg ein teljar over besøkande på sida. Eg vurderte først å la den telje for kvar gong sida blei lasta, slik at talet faktisk kunne bli høgt og eg kunne tru at folk faktisk var inne og leste. Men eg valgte å la den telje unike besøkande, sånn at det faktisk seier noko om kor mange som har vore innpå. Og jammen har det vore 26 besøkande innom sidan måndag! Vert nesten skremt av det høge antalet. Neste steg må vel bli videoblogg og innlegg kvar dag, innlegg som handlar om viktige ting som for eksempel kva eg hadde på brødskjeva mi til lunsj eller kvar eg føretrekk å sitje i stova når eg spelar Xbox360.

Nei, det får bli med eit innlegg i veka. Sjølv om eg no legg inn mitt andre innlegg denne veka.

Besøksteljaren kan forresten hentast på http://my3.statcounter.com/
Følg eit par enkle steg og lim inn html- koden. Love it.

No ventar Stockholm, Marienlyst og Sollentuna skal slåast i Nordic League :)

?

2009-10-26T07:54:00.000-07:00

Den førre veka gjekk greit. Eg fekk ikkje heilt den avslappande veka på praksisen som eg ville ha, men det var moro likevel. Gruppa lagde video- og lydreportasjar. Eg og to andre laga ein vignett og super til reportasjane. Ein super vil seie grafikken som kjem opp når ein person vert intervjua, med namn og relevant tittel.

Så dersom Arne Schei hadde blitt intervjua på TV, ville det stått under:

"Arne Schei
Gamling"

Det er spennande ting me gjer på Nye Medier, altså. Resultat kan for øvrig sjåast i all si prakt på www.brostein.uib.no

Helga vart ikkje så bra. United og Brann tapte, og andre ting gjekk ikkje heilt som eg hadde håpa. Men me vann i det minste cupkampen mot Hardanger Volley, og er klar for kvartfinale heime mot BK Tromsø om to veker.

Denne veka blir, avhengig av humør og grad av latskap, prega av enten at eg gjer absolutt ingenting eller at eg les til eksamen. Eg håpar på det siste, men har mest tru på det første. På fredag reiser Nyborg til Stockholm der me skal gje alt i kampen om sluttspelplass i Nordic League. Me møter to gode lag, Sollentuna frå Sverige og Marienlyst frå Danmark. Me trur me kan slå begge, så får me sjå kor stort saknet av Øivind Hordvik blir. Uansett blir det kjekt å reise!

Eg vil avslutte med eit fantastisk dikt eg fann skreven ned på ein lesesal på U.Pihl.

"Jenta ut i vatnet skritta,
vatnet rakk henne til kne
Diktet rimar ikkje no,
men berre vent til det blir flo!"

"A dream aloud"

2009-10-26T07:24:00.000-07:00

Denne songen får eg rett og slett ikkje nok av. Fantastisk.

Meir å gjere

2009-10-19T09:21:00.000-07:00

I det siste har det vore veldig rolig på skulen. Har stort sett vore heime og brukt tida på andre, meiningslause ting. Denne veka er brytaren skrudd på att. Har innlevering i ex.phil, samt at eg og Henrik som eg er på gruppe med må skrive ein god del om etter å ha fått tilbakemelding på oppgåva i informasjonsvitenskap.

I utgangspunktet har me også praksisveke for Brostein, men heldigvis slapp eg unna det verste arbeidet denne gong. Eg skal forhåpentligvis, istadenfor å gå ut på gata og lage lyd- eller lyd og bildereportasjar og slikt, berre sitte inne med rævva i ein stol og legge grafikk på dei reportasjane dei andre på praksisgruppa lager. Det likar eg. Sånn vil eg ha det når eg blir stor. Uansett blir det ei travel veke!

I helga var me i Tromsø og spelte mot.. ja, Tromsø. Me vann greit 3-0. Spelte ikkje opp mot vårt beste, men det haldt mot et Tromsølag som har forbedra seg sidan sist me spelte mot dei, men som framleis ikkje kan utfordre oss veldig. Eg følte mitt eige spel gjekk OK, nok ein gong. Spent på mottaksstatistikk. Føler eg har starta veldig bra denne sesongen og håper det held fram!

På kvelden etter kampen som gjekk på laurdag, blei det ein etterlengta tur ut på livet. Det blei med konsumering av ein liten seksar for meg. Når me skulle på byn så gjekk dei andre på 20- årsplass, og eg følte at å låne legitimasjonen til ein to meter høg kviterussar som heiter Andrej Khanevski og som er fødd i 1985 vart litt mykje å håpe på. Dessutan var eg kjempetrøtt etter 10-12 timar søvn dei siste 3 døgna før. DESSUTAN sug det å reise bakfull. Å reise heim med Widerøe sugde forresten uansett. Drittselskap. Gje meg heller Norwegian og Bjørn KJos. Muhmuhmuhmuhmuhmuh.

Jamenne..

2009-10-12T05:12:00.000-07:00

Sidan sist eg skreiv, har eg i grunnen ikkje gjort mykje.

Førre veke gjekk stort sett med til å slappe av, sjå Entourage og Dexter, samt fullføre utkastet til ex.phil- oppgåva mi. Resten av tida gleda eg meg til helga.

I helga reiste eg nemlig heim for første gong på ein måned eller så. Det var kjekt. Fekk brukt litt tid hos familyen, spesielt var det kjekt å sjå Ronja, niesen min, igjen. Ho er fortsatt ekstremt søt, men det er tydelig at eg har vore vekke ei stund, for ho er ikkje så glad i meg no som ho var før. Trengs tydeleg litt arbeid der for at eg skal bli favoritten.

På laurdagskvelden var eg på besøk hos Nadia der ho lærte meg å lika Twilight (!) I tillegg såg me nokre episodar av for alltid uslåelige The O.C. Fantastisk serie. Etter besøket raste eg avgårde til byn. Me skulle ha morgontrening kl 10, shish..

Grunnen til morgontreninga var sjølvsagt kampen mot Randaberg seinare på dagen. Det er ikkje så mykje å sei om kampen. Me begynte bra i første sett, før me slapp oss nedpå og Randaberg begynte å spele veldig godt. Martin Spinnangr forsterka Randaberg veldig og me sleit med å stoppe han. Etter eit par gode blokker vant Randaberg første sett 27-29. Andre sett kjempa me inn 25-23. Etter dette bestemte me oss for å trø skikkelig til, og det gjorde me! Me tok dei to neste setta med 25-18 og 25-13.

Personleg var eg godt nøgd med kampen. Fekk henta opp et par forsvarsballar tidlig, det er alltid godt for ein libero. Det gjer at ein føler at ein er med i kampen. Fekk mange servar på meg i begynnelsen, men det blei mindre og mindre å gjere på etterkvart. Følte iallfall at eg tok imot ganske så grei. Blei to ezze mot meg, men det er sånn som skjer. Det viktigaste er at eg lar meg ikkje så lett psyke ut av egne feil lenger. Det har eg slitt med før.

No ser eg fram mot neste helg, der det blir tur til Tromsø for å spele og (forhåpentligvis!) tett drikking på kvelden :) Samtidig skal eg fundere vidare på det store spørsmålet.

Kamphelg

2009-10-04T12:29:00.001-07:00

I helga var Nyborg på tur igjen. Me spelte mot Kristiansund og Oslo Volley.
Me vant 3-0 mot Kristiansund og 3-1 mot Oslo Volley. Me spelte ikkje spesielt bra nokon av kampane, men spesielt mot Oslo Volley var me litt ukonsentrerte, og sleit også ein del med uvante lysforhold i Bjørnholthallen. Det var vanskeleg å sjå ballen skikkelig når me stod i mottak på den eine sida, noko som kan ha bidratt til at me tapte eit sett på den sida.
Men det viktigaste var å ta full pott i begge kampane, og det gjorde me. Minnar litt om forrige sesong, med at me gjer akkurat det som er nødvendig for å vinne, ikkje meir.

Personlig har det gått ok. Litt varierande i mottak, men det er eg ikkje aleine om, heldigvis.

Eg håpar at det blir litt lettare på skulen framover. I morgon (måndag) ventar innlevering av semesteroppgåve i informasjonsvitenskap og breiddetest i ex.phil. Regnar med begge deler skal gå rimelig greit. Eg må skrive utkast til ex-phil-oppgåva mi på heile tysdag, men regnar med det også går rimelig greit. Ex.phil er liksom ikkje spesielt mykje stress.

No skal eg sitte i sofaen min og vere trøtt og lei resten av kvelden.

Førde m.m

2009-09-27T16:32:00.000-07:00

På laurdag spelte Nyborg sesongens første elitekamp, mot vår næraste utfodrar Førde, i Førde. Me var heiltente på å vise kven som er best i Norge, og det gjorde me. Vanlegvis så vinn Førde første sett før me tar over. Denne gongen tok aldri Førde over. Blokk- og forsvarsspelet vårt satt godt og me hadde full kontroll stort sett heile vegen. Det var enkelte gongar gode servar ga dei nokre ekstrapoeng, men i det store og det heile var me klart best og vant suverent.

For min eigen del er eg faktisk fornøgd. Fekk to ezze imot meg, men ellers satt mottaket godt. Gler meg til å sjå statistikken frå Ivar. Følte også eg fekk plukka ein god del ballar i forsvar. Det er lett med ei så god blokk framfor meg.

Ellers har eg stort sett gjort ferdig "nye" stova mi. Eg gler meg til å ha lyst til å invitere folk på besøk til meg! Den nye sofaen kjem nok godt med, kjem til å ha behov for å slappe av når eg kan denne veka, det vert fullt kjør med skriving av semesteroppgåve i informasjonsvitskap, oppgåveskriving i ex.phil og internpraksis i MEVI106. Internpraksis er synonymt med å lage 3 nyhetssaker, noko som innebærer ein god del arbeid! Men som eg har sagt før, eg har godt av å gå på eit studie som krev aktiv deltaking i faga. Og etter denne veka så kjem det jo to nye kampar mot Kristiansund og Oslo Volley som eg kan sjå fram til.

No er klokka 01:41. Eg skal på forelesning 0815, vere på skulen til 1800, deretter trene frå 1900 til 2230. Kvifor har eg ikkje lagt meg? Det er to grunnar. Selskapssjuke Nadia har nattevakt, og eg klarar uansett ikkje gå og legge meg fordi eg er ein tulling. Someone help me.

Her er forresten ein stilig video frå Danmarksturen vår. Creds til Olli for redigering.

Nyborg - Marienlyst from Ole Martin Helland on Vimeo.

Danmark m.m

2009-09-22T04:13:00.000-07:00

Jammen klarte me å vinne i Danmark også. Referat kan lesast på volley.no.

Nyborg har i år eit lag som kan sjå ut som Skandinavias beste. Det lovar godt for sesongen. Me har store ambisjonar om å hevde oss i Nordic League i år. Desverre må me unnvære Øivind i gruppespelet. Men eg er overbevist om at me kan avansere til tross for dette. Det vert spennande å sjå! Eg fekk opptaket av finalen mellom Nyborg og Middelfart, og laga eit lite samandrag av det. Her er resultatet.

Til helga ventar Førde i Førdehuset. Det vert ein spennande kamp, spesielt dersom Førde kan halde oppe nivået dei plar ha i førstesettet mot oss :)

Men i mellomtida skal eg skrive om John Rawls' rettferdsteoriar og finne ut kva som er gale med brukeravtalen til Facebook.

Vestcup

2009-09-13T15:49:00.000-07:00

Vestcup gjekk bra, både for laget og meg sjølv.

Me vant alle fem kampane. Me gav berre frå oss tre sett. Me tapte som vanleg førstesettet mot Førde i finalen, men kom sterkt tilbake og viste kven som var best i dei tre neste. Deilig.

Eg vart visstnok kåra til beste eitt-eller-anna i turneringa. Eg fekk også plass på all-star laget. Må sei det var ein grei måte å åpne Nyborg-karriera på. No gler eg meg til Danmark-tur neste helg.

Men først ventar mykje skulearbeid. Føøøy faaaaan.

Overgang

2009-09-10T08:25:00.001-07:00

Eg har bestemt meg for å melde full overgang til Nyborg i år. Eg vil fokusere 100% på det som gjer størst sportslig utfordring. Synd, men sånn er det.

Til helga reiser me til Stavanger for å spele Vestcup. Helga etter det ventar Danmarkstur. Det vert spennande. Helga etter det igjen brakar det laus med heimekamp mot Førde. Eg har fått tydelige signal på at eg er klart førstevalg på liberoplass. Eg trur dette kan gjere det lettare for meg å prestere. Tillit er det ein treng i eliteserien. Eg har også etter litt forhandligar med herr Kleveland fått tildelt draktnummer 1.

På skulen er det mykje å gjere. Teknisk innføring i HTML, redigering og video/lyd dei siste tre vekene, blir avløyst av at oppgåver i informasjonsvitskap og ex.phil (damn it!) må leverast utkast til. Det er hektisk, men det er godt å gå på eit studie som krev såpass mykje av meg. Treng ikkje eit år til med WoW og Guitar Hero. Har forresten meir eller mindre slutta med begge deler, hurra!

Eg har det ganske fint.

Yeahyeah

2009-08-16T15:52:00.000-07:00

Me feira mamma sin 50-årsdag på laurdag. Det var veldig moro. Søskenbarnet mitt Gunnar, som er fotograf, satte opp kamera og ein kvit bakgrunn, og kobla til ein fjernutløysar, som gjorde at ein kunne bruka kreativiteten som oppstår med alkoholinntak. Når eg får dei klamme pølsefingrane mine på bildena, skal det bli mykje moro på Facebook.
Debuterte som talar og forresten. Eg var jævla god på tale. Eg og Alexander framførte og ein moro sketsj, og deretter gjekk me føre kamera og tok bilete i kostyma. Gled dykk.

Ellers går alt heilt fint, utanom ein ting. Sukk.

Skulestart

2009-08-12T02:33:00.000-07:00

No har eg tatt til på bachelorstudiet mitt, nye medier. Det virkar lovande.
Det ser kjekt ut, men det vert nok mykje arbeid. Tida med WoW og Guitar Hero til klokka 4 på natta er nok over.
Treningane med Nyborg har forresten teke til også. Det var godt å komme i gong igjen. Gler meg veldig til å spele kampar igjen.

Reflektert betraktning

2009-08-09T14:57:00.000-07:00

Fytti helvete så masse floger som flyr rundt om for tida. Jævla irriterande.

Snart ferie

2009-07-06T14:46:00.001-07:00

Kort oppdatering. Kontoen min har blitt noko feitare, brunfargen min noko sterkare, beina mine noko stivare, og lysten på ferie noko meir intens.

Litt meir konkret forklart, så har eg i det siste jobba, solt meg, putta gåll etter gåll på Tysnes Cup (6 på 5 kampar, for å vere heilt nøyaktig. Ventar på telefon frå Steinar kvart øyeblikk) og.. ja, blitt meir umotivert fordi eg har lyst på ferie.

På laurdag fer eg avgarde til Mandal ei veke. Det blir supert. Mandal er ein flott ferieby som alle burde reise til. Det blir heilt sikkert ein flott ferie.

Det er berre ein ting som manglar.

Sommar

2009-06-14T15:12:00.001-07:00

Lenge sidan sist eg oppdaterte. Som om nokon bryr seg, men likevel.

Det er sommar. Eg har stått på begge eksamenane mine, og eg kan plusse på 30 nye studiepoeng til søknaden til bachelorgrad i nye medier på UiB neste haust.

Dei 442 kronene på kontoen min blir forhåpentligvis trylla om til drøyt 25000 i løpet av dei neste vekene fram til ferien. Blir meir og meir glad i administrasjonen på Harding som, sjølv etter først å ha sagt nei til søknaden min, headhuntar meg og gir ein udugelig montør som meg sjølv arbeid for 150 kr timen. Fantastisk.

Det er heller ikkje så verst at Brann slo Lyn i kveld. Nærmar seg jammen medaljestrid i Idrettsveien. Ventar framleis på årets første 0-6 for Brann.

Kort oppsummert, livet er ikkje så aller verst for tida. Dersom eg klarer å gjennomføre styrkeprogrammet eg har fått tilsendt av Sjefen, skal nok dette bli ein givande sommar.

Phail?

2009-05-22T08:31:00.000-07:00

Då var første eksamen unnagjort. Det er vel ikkje så mykje anna å seie om den enn at eg er meget skeptisk med tanke på å stå. Var maks uheldig med spørsmåla i eitt av delfaga, og klarte såvidt å skrible ned det einaste vetle eg visste om spørsmålet. Men me får sjå. Det viser seg at store mirakel kan skje. I går, for eksempel, viste Azar Karadas målteft, i tillegg til at han slo ein følsom gjennombrotspasning. I tillegg brukte Petter Vaagan Moen utsida av venstrefoten og avslutta i mål. Dette viser at kva som helst kan skje. Ser ikkje vekk i frå at Kristjan Örn Sigurdsson limer ballen i krysset frå 30 meter om ikkje lenge.

Akkurat no har eg tatt meg ein liten pause frå lesinga til ENG124. Eg har gått gjennom ein del verk, og syns eg har vore ok flink i dag. Føler eg har ein viss plan med lesinga, og håpar mengden lesing er bra nok til å hugse noko når eg står føre den ekle Oxford/Cambridge- professoren som eg fryktar skal vere tilstades på eksamen på torsdag. Stryk i 124 ville vere døden for meg. 106 kan eg eventuelt ta opp og stå på på eit seinare tidspunkt. Forhåpentligvis til hausten. Eg håpar berre ikkje å stryke der er utslagsgivande i forhold til å komme inn på bachelorstudiet i nyare medie eller medievitenskap, som er dei to studia eg har søkt på.

Tida vil vise. Akkurat no viser tida at eg må returnere til William Wordsworth og finne ut kva han meiner med "Tintern Abbey". <-- Den førre setningen kan betraktast som eit stille rop om hjelp.

Stress.. neh!

2009-05-14T10:48:00.001-07:00

Den siste tida, det vil sei dei siste tre dagane, har eg lest på eksamen som eg skal ha den 19.mai. Det er ein eksamen i sosiolingvistikk og grammatikk. Begge desse faga er kjedelige, spesielt grammatikk. Eg hatar å lese til denne eksamenen. Det seier seg sjølv at det vert mykje hating når eg må lære meg eit halvt års pensum på ei drøy veke. Det skal nemnast at eg har sett meg sjølv i denne situasjonen, men det blir berre ein bisetning. Korleis ellers skulle eg lest? Lest jamnt og trutt gjennom heile skuleåret? Hah! Eg ler av folk som ikkje har null peiling på det dei driv på med to veker før eksamen. Er ikkje medlem av 'Norsk Skippertaksforening' for ingenting.

Fekk også vete hin dagen at eg skal ha min andre eksamen 28.mai. I det faget eg skal ha eksamen i, Britisk Litteratur og Kultur, veit eg om mogleg enda mindre om kva me har til pensum. Det kan fort bli ei småkritisk veke mellom eksamenane. Men det eg vel å fokusere på i forhold til eksamensdatoen, er kor perfekt eksamensdatoen passar meg.

- Eg er ferdig med eksamen i veke 22. Eg skal forhåpentligvis byrje å jobbe i veke 24. Dette betyr at eg får ei heil veke der eg kan ha fri og le av alle andre som ikkje er ferdig på skule og med eksamen.
- Guitar Hero: Metallica kjem ut 29.mai i Europa. Dette betyr at spelet kjem ut akkurat når eg er fri frå britiske 1700-talsdikt og liknande. Kombinert med ei heil veke fri kan dette bli happy time!

Berre eg står på eksamen, så kan dette bli ein riktig trivelig sommar faktisk. Det treng eg.

Kort update

2009-04-30T07:11:00.001-07:00

Eg er framleis like slapp og umotivert.
Eg har framleis lest like lite på eksamen
Eg har framleis ikkje vent meg av med å spele WoW.
Eg har framleis ikkje klart Sweet Home Alabama på Expert.
Eg har framleis ikkje skreve jobbsøknad til Harding i sommar.
Eg har framleis ikkje bestemt meg heilt kva lag eg skal spele for neste sesong.
Eg har framleis ikkje vaska av steikepanna etter tacoen sist veke.
Eg har framleis ikkje kjøpt nye ting til leiligheten som eg sa eg skulle gjere.
Eg har framleis ikkje stått opp før 12 denne veka.
Eg har framleis ikkje lagt meg før 3 denne veka.

Då har eg oppdatert dykk på nokon av bekymringane mine.
På plussida:

Eg har faktisk gått inn i ein klesbutikk og med overlegg kjøpt klede til meg sjølv!

Når sånt skjer, kan ingen bekymringar i verda overgå det.

Påsken

2009-04-13T15:06:00.000-07:00

Ai, ai, ai! For ein påske! Kvar skal eg begynne?

Den entusiastiske starten var nok berre lureri.
Eg har knapt gjort noko som helst i påskeferien. Eg har vært ekstremt aktiv i den virtuelle verden, og dei fleste som kjenner meg skjønner nok før eg skriv det at eg har brukt store deler av tida på å game WoW. STORE deler. Faktisk så store deler at eg dei stort sett berre var avbroten av måltid, søvn og volleyballtreningar. Før ferien sa eg til meg sjølv at eg skulle jobbe med kultur-essayet mitt, trene styrke, padle kajakk, gå fjellturar, komme meg i skitrekket, lese bøker og vere sosial. Men neida. Det dumme dataspelet saboterte dei planane. Eg gler meg til sommaren. Då skal eg nemlig slutte. Eg skal iallfall prøve.

Eg har i det minste fått trent litt volleyball. Har forsåvidt vore kjekt å trene, men eg merkar at eg er veldig lei akkurat no. Treng ein lengre pause før eg skal prøve å få litt god grunntrening i sommar, for å gjere meg klar til ein ny sesong. Når det gjeld kor eg skal spele neste år, så trur eg at eg har bestemt meg. Skal sove litt meir på det.

Framover ventar ein hektisk periode på skulen. Nytt essay-utkast skal inn på fredag, og samtidig bør eg jobbe med det andre essayet mitt, og på toppen av alt nærmar eksamen seg med stormskritt. Med tanke på den minimale innsatsen eg har lagt ned i skulearbeid i år, ser det stygt ut. Men skal no berge ståkarakter. Men eg gruar meg.

Påsken i år har altså vært fryktelig innhaldslaus, likevel klagar eg ikkje. Avslappande var det iallfall. Men eg fekk ikkje påskeegg ><

Gull!

2009-03-29T18:21:00.001-07:00

Det vart gull på Nyborg! Me spelte ein dårlig kamp, men likevel vant me greitt 3-0, og kunne juble for gull. Eg fekk spele ein rotasjon bak, litt skuffa over det men det tenker ein ikkje på når me har vunne gull! Medaljeseremonien etterpå trur eg var noko av det kjekkaste eg har vore med på. Etterpå bar det rett heim til Siljanders på gullfest. Mykje drikke vart konsumert og det var meget god stemning! Heldigvis drakk eg sjølv beherska og fekk lov til å vere den som lo av den fullaste fyren (les: Kriss) denne gongen. Etter at mesteparten var gått heim (Kriss blei vel slept/kjørt heim, men det er ein detalj), bestemte me oss for å tilbringa ein drøy time i jacuzzien til Siljanders. Ein meget bra avslutning på ein meget bra fest.

I det heile tatt var dagen veldig inspirerande for framtida, og eit godt argument for å spele for Nyborg neste år. Ikkje berre det å vinne gull, men og at eg fekk signal om at eg vil bli satsa på neste år dersom eg bestemmer meg for å skifte. Det avhenger likevel av fleire ting, bl.a konkurransen i Nyborg, om Rossvoll finn ein erstattar for meg, og korleis opplegget blir i Rossvoll denne sesongen.
Det blir nok ein runde eller to i tenkeboksen fram mot neste sesong. Likevel må eg vel halde fokus mot neste helg, sidan me då har årets to siste kampar. Veit ikkje om eg skal vere med eingang, men må vel vere fokusert heilt til eg høyrer at eg ikkje skal det. Dersom eg ikkje skal det, så blir det nok ein aldri så liten pubkveld heime på bygda :)

No er klokka 03.32, og eg går og legg meg.

Gull?

2009-03-27T20:46:00.000-07:00

Til helga ventar eit viktig oppgjer mot BK Tromsø. Vinn me kampen, er me seriemeistrar. Eg har heldigvis klart å snike meg med i troppen på såpass mange kampar at eg får medalje dersom (les: når) dette skjer.
Ganske spent på om eg får speletid på søndag. Treningane tyder på at eg ikkje får vere med som libero. Det ser eg på som negativt for mine eigne sjansar. Har i det heile tatt lita tru på noko speletid. Føler overhodet ikkje at eg har tillit hos trenaren, eg merkar han er nervøs for å setje meg innpå. Og når han først gjer det, vert eg så nervøs fordi eg føler eg har den eine sjansen til å prestere. Det fører berre til at eg speler dårlig, og når eg speler dårlig ein kamp så er eg vel nødt til å vere best på trening i eit halvt år for at han skal gje meg sjansen igjen.
Deilig å lufte ut litt frustrasjon. Gleder meg vilt og voldelig til sesongen er ferdig.

Uansett handlar ikkje alt om volleyball for tida, (u?)heldigvis. Har jobba mykje med essay denne veka. Eller, strengt tatt begynte eg å skrive på onsdag. Brukte heile natt til fredag på å skrive førsteutkastet. Spent på tilbakemeldinga. Håper det er nokonlunde greit, så eg slepp å jobbe så masse meir med det. Ville vore fint å hatt litt meir tid til andre ting. Merkar at desse to heile dagane med fokusert skulejobbing har VERKELEG slite meg ut. Er ikkje vant med slike kolossale arbeidsmengder. Men jo meir eksamen nærmar seg, jo meir vert eg nok vant med det.

Likevel, det blir nok ein del restitusjons- Guitar Hero framover.

Seriemester

2009-03-23T05:07:00.000-07:00

I går vant me 3-0 over Randaberg. Det betyr at me kun treng vinne neste kamp mot Tromsø i Stemmemyren for at me skal sikre oss gullet heilt sikkert. Den går søndag 29.mars, kl 1500. Alle bør komme og sjå på den!

Større enn gleden over å få vere med å ta seriegull er bekymringane eg har på skulen. Har framleis ikkje klart å leite fram motivasjon til å skrive essayet mitt. Har knapt fått med meg noko som helst av det me har hatt på skulen ellers. Eg er fucked viss eg ikkje tar meg seriøst saman. Det har eg tenkt å gjere, men motivasjonen, eller mangelen på den, kan vise seg å ødelegge den planen. Me får håpe eg klarar å ordne eit førsteutkast til essayet innan fredag, som er tidsfristen for det.

Godt og vondt

2009-03-16T14:33:00.000-07:00

Mykje har skjedd sidan sist eg blogga. Eg har vore med Nyborg sørover og "bidratt" til at Nyborg no er skremmande nær seriegull. Me spelte mot TVN laurdag og eg fekk starte som libero. Eg takka for tilliten med å bli ezzzah på første serv. Kom aldri inn i ein rytme i mottak og sleit med alt som var av flakkserv. Når det er sagt var ikkje dei andre på laget noko betre. Me vant eitt og tapte eitt sett før eg til slutt fortjent blei bytta ut. Ein stor katastrofe der altså. Heldigvis fiksa dei andre på laget opp i rotet mitt og me vant 3-1. Eg la inn ein god søknad om å ikkje få spele meir denne sesongen.

Eg fekk iallfall ikkje spele dagen etterpå mot Randaberg. Me spelte betre då og vann 3-0, ganske greit, sjølv om kampen var spennande i lange periodar. Slår me Randaberg på heimebane neste helg, er me i praksis seriemeister. Synd eg ikkje får ta del i den kampen på banen, det har eg nok sørga for. Heldigvis får eg registrert kamp for å vere i troppen, og har allereie sikra meg gullmedalje dersom det skulle gå vegen.

Nok volleyball, faktisk. På skulen ventar eit essay der første utkast skal inn om 10 dagar. Eg skal lese to bøker og samanlikne noko frå dei. Det er ei vanskeleg oppgåve. Ei vanskeleg oppgåve som eg ikkje har begynt på. Eller, eg har lese halve eine boka. Men no trengs det eit skippertak. Håpar at det ordnar seg nokonlunde. Er framleis ekstremt umotivert og uinteressert i det som føregår på skulen. Gjorde eit aldeles hakkandes feil valg ved å gå på Engelsk. Gledar meg til å vere ferdig, sjølv om det er kjekt å vere med folk frå faddergruppa.

I dag begynte Tippeligasesongen for Brann. Eg skal ikkje sei meir enn at det blir ein lang og grusom sesong. Men eg ser framover og satsar på at Steinar Nilsen har ein plan. Reknar med Brann klarar ein plass omtrent midt på tabellen. Skal ikkje forvente meir enn at dei ofrar 100% kvar einaste kamp.

Samstundes går rykta om at Erlend Mæland har gjort uskikkelige ting på trening igjen. Fekk bekrefta dette hos sikre kjelder innad i Rossvoll- miljøet.

Innhaldsrik helg

2009-03-09T06:21:00.000-07:00

Det var ei kjekk helg i Førde(!). Me reiste oppover på fredag og fekk slappa av litt på hotellet på kvelden før me la oss til å sove, klare for spennande kampar dagen etter. Og spennande vart det. Etter knepent tap 16-14 i tredje sett mot Nyborg, noko som me meinte skuldast taktiske disposisjonar og nedpsyking i time-outar, slo me Blindheim og Gløshaugen 2-0, der sistnemnte vart 27-25 i begge sett.

Det betydde at me vart nr.2 i pulja og me møtte då TVN, i enda ein thriller. Etter å ha tapt første sett greitt og lege under 17-12 i andre, våkna me og snudde settet til 27-25. I tie-breaket følgte laga kvarandre heilt til døra og begge lag hadde fleire matchballar. Heldigvis blokka Tore Gunnar ned ein TVN-spelar, eg lurer på om det var unge Tvinde, på vår matchball og me kunne sleppe jubelen laus. Ekstremt deilig å vinne eit jamnt tie-breaksett for ein gongs skuld. Spesielt i ein kvartfinale, som er ein jævlig kjedelig kamp å tape. Koll venta i semifinalen dagen etterpå. På kvelden gjekk me og åt pizza. Den var god. 0.6- en med øl smakte også sinnsvakt godt.

Søndag venta altså dei lovande unggutta frå Koll. Dei knuste oss i første sett. Me knuste dei i andre sett. Tredje settet vart heilt jamnt, som vanleg. Stillinga var 11-11 då Koll vart avblåst for føring og Martin fekk gult kort for å protestere, som han for øvrig hadde all grunn til å gjere, tåpelig avblåsning. Etter kvar sin side-out og 14-12 slo Svein Solhaug ballen 12 og ein halv meter ut frå pos.2. Desverre for oss dømte Cato nettfeil på blokka vår. Eit par dobbeltslag frå Gaute og litt side-out seinare var stillinga 17-17. Tore Gunnar slo to ballar i ei stor Koll-blokk og tapet var et faktum. Ufattelig irriterande.

I bronsefinalen var enkelte av oss, underteikna inkludert, berre sånn passe interessert i å yte skikkelig. Det enda med eit greit tap 0-2 tap mot Nyborg. Me fekk derfor fjerdeplass i turneringa, og femteplass på totalrankingen, noko me må sei oss bra fornøgd med.

Til slutt litt sladder. Sikre kjelder innad i Rossvoll- miljøet hevdar at Erlend Mæland si store flamme har rota med Frank i massasjestolen på 1881. Den sikre kjelda i Rossvoll- miljøet jobbar sjølv på 1881 og har nok god peiling på det han snakkar om. Synd det Erlend.

Vinterferie

2009-03-03T16:21:00.000-08:00

Hurra, no er det vinterferie. Og eg skal vere den første til å innrømme at vinterferie jaggu ikkje er mykje annleis enn vanlege skuleveker. Det baklagar eg, og tar sjølvkritikk på. Har vore veldig lite motivert for skule dei siste vekene, delvis fordi det er ubegripelig kjedelig, delvis fordi... nei, vent, det er kun på grunn av at det er ubegripelig kjedelig. Skulle gjerne vore flinkare å gått på skulen og fått med meg meir, men det går rett og slett ikkje an når det eg skal få med meg handlar om 245 år gamle dikt om metaforar til samfunnsproblem. Då er rett og slett Guitar Hero meir freistande og givande.

Likevel så får eg nok svi for det dei komande vekene. Skal levere inn førsteutkast til essay 27.mars. Blir nok ei stressande tid framover. Det fortener eg verkeleg, etter all slauringa tidlegare i år.

Når det gjeld volleyball, så hadde eg ein fryktelig dårleg kamp på søndag. Spelte eitt sett som libero og gjorde det heilt elendig. Var litt betre i går, då fjorårets kretslag -Vegard spelte kamp mot nokre besøkande polakkar. Dei var heilt ok gode, men me slo dei 3-2 til slutt. Eg kjenner på kroppen, som gjer vondt, at rankingturneringa i helga er det siste denne sesongen som eg verkeleg gler meg til. Resten blir berre eit pliktløp som eg eigentleg ikkje er spesielt motivert for. Gler meg til sesongen er ferdig. Fram mot avreise til Førde fredag skal eg sikkert berre slappe av.

Og til slutt litt sladder: Det seiast frå sikre kjelder innad i Rossvoll- miljøet at den sikre kjelda innad Rossvoll- miljøet har vore på middag hos Silje van Hoek. Eg kan avsløre at den sikre kjelda innad i Rossvoll- miljøet, som for øvrig er mannleg IKKJE er Erlend Mæland, noko som betyr at EIN ANNAN gut enn Erlend Mæland har vore på middag hos Silje van Hoek. Det skulle ikkje overraske meg om han fekk servert høne til middag. Når ein tar med i berekninga at Silje van Hoek inntil nyleg hadde profilbilete på Facebook der ho er avbilda ilag med Bjørnar Skjelvan, EIN ANNAN gut enn Erlend Mæland, skulle det ikkje forundre meg om det er trouble in Paradise.

Det er iallfall det sikre kjelder innad i Rossvoll- miljøet seier.

Veka

2009-02-28T14:29:00.000-08:00

Veka mi har vore mykje det samme som tidlegare veker. Litt lite skule, litt mykje volleyball og litt mykje suggerande underhaldning. I kveld (laurdag) har me spelt sesongens siste heimekamp mot serieleiar OSI. Me spelte årsbeste, men det haldt desverre ikkje heilt inn og endte med 1-3- tap mot eit gjerrig OSI med ein småklysete Anders Myhr i spissen. Det er likevel ikkje mykje å deppe over, og me reknar med at seriespelet endar med fjerdeplass. Då gjenstår berre ei rankingturnering i Førde før me kan summere opp plasseringa vår. Blir spanande. Etter den kjem eg til å rette fokus over på Nyborg, og prøve å få mest mogleg speletid der resten av sesongen. Apropos Nyborg skal eg reise til byn imorgon og forhåpentligvis spele litt mot Kristiansund. Det vert nok desverre ein lett kamp mot eit latterlig urutinert lag.

Trass i tapet idag finst det noko å gle seg over. Eit Liverpool med Captain Dive i spissen gjekk på ein velfortent smell mot eit Middels Boro. Verkeleg synd. NAAAT!

Gullet kjem nok heim til dei kjente traktene i år og.

Gator!

2009-02-15T18:14:00.000-08:00

Fekk tilsendt ein fin Youtube-video av Scott. Den er ein instruksjonsvideo for volleyball ikkje heilt etter læreboka. Byr likevel på mange fine opplevelsar, sjølv for dei som ikkje er spesielt innvidde i volleyball. Gator!

Viktig oppdatering

2009-02-14T10:26:00.000-08:00

No viser det seg at Erlend Mæland og Silje van Hoek verkeleg er forelska, og at det ikkje er berre tøys som "sikre kilder innad i Rossvoll-miljøet" har funne på. Dei er offisielt (på Facebook, altså) eit par. Eg ønskar dei lukke til og alt godt i framtida. Gud veit Silje kan trenge det med Erlend.

Ryktene går forresten om at foreldrene til Erlend i kveld, laurdag, er vekke og at Erlend har tenkt å benytte sjansen til laksemarinering. Det seier iallfall sikre kilder innad i Rossvoll-miljøet.

Me slo forresten Austevoll 3-1 i dag. Og det vert ein rolig kveld.

Sukk

2009-02-09T07:19:00.000-08:00

Nok ein gang er det måndag. Eg har ikkje vore heile dagen på skulen slik eg planla. Men innerst inne planla eg vel eigentleg ikkje å gå på skulen. Hadde eg planlagt å gå på skulen, hadde eg lagt meg ei stund før 0430. Men det hadde mest med at eg sov av meg fyllesjuka til klokka var halv 3 i går, og sovna i vel ein time på senga i går kveld. Derfor vart det litt vrient å sove.

Uansett. Ny veke. I morgon skal eg lese Frankenstein på skulen, det har eg lovt meg sjølv. Blir skuffa om eg ikkje klarer det. Om ikkje heile boka, så iallfall nokre kapittel. Resten av veka blir nok som vanleg; trening, forsøk på å gå på skulen og ein heil del Guitar Hero. Har stabilisert meg på Hard no. Godt nøgd med det. Gler meg likevel til neste helg. Har planar om å vere i byn. Treningsfri fredag og viktig kamp mot Austevoll dagen etter, med påfølgjande spelefri på søndag, høyres slett ikkje verst ut. Det betyr at eg har anledning til å feste og slikt, men etter helgas Jägersmell er det mulig eg tar det med ro. Får sjå. Det er likevel eit stykke fram i tid.

No skal eg konsentrere meg om eg skal koke potetene eg skal ha til middag med eller utan skal. Wish me luck.

Evig spørsmål

2009-02-03T09:44:00.001-08:00

Eg har tenkt mykje i det siste på svært viktige spørsmål. Eg finn svaret på ganske masse, men det er noko eg rett og slett ikkje klarer. Skal eg skrelle potetene før eg kokar dei, ellers skal eg vente med å skrelle dei til etterpå? Å skrelle dei før tar lenger tid, og gjer meir skall, men då slepp eg gjere det etterpå når resten av maten ser klar og deilig ut, samt at eg er heilt utrulig latterlig dårlig på å skrelle poteter med bestikk. Eg må skrelle dei med nevane, og då brenner eg meg!

Eit heilt umulig dilemma. Hjelp!

Er eg gammal alt?

2009-02-02T13:24:00.000-08:00

Det høyres sikkert utruleg ut, men eg føler meg allereie som ein gamling. Det er ikkje vanleg for 19 år gamle guttungar å ha vondt i eit kne, i låret, i ein lysk, nedover heile ryggtavla og i ein fing, såvidt eg veit. I tillegg er eg ekstremt god på å slå touch. Trur rett og slett eg er blitt rutinert. Kven veit kor dette kan føre når eg blir 40?

Veit ikkje heilt ka eg skal sei om denne veka

2009-01-25T13:38:00.000-08:00

Som tittelen seier, eg er litt usikker på korleis eg skal omtale veka som har gått. Når det gjeld skule, så har eg vore anten flink og møtt opp og følgt med, medan nokon dagar har eg berre gitt faen. Når det gjeld å vere sosial, som er noko eg jobbar med meg sjølv for å bli, har det vore litt blanda gjennomføring også der. Å i det heile tatt møte opp på skulen og snakke med andre menneske er for meg i seg sjølv overlegent bra i forhold til å vere sosial. I tillegg har eg jo trent fire gonger denne veka, og der er det jo også andre folk. Når eg på toppen av det heile joina Trine og Caroline på lunsj hjå dei, må eg sei meg imponert av meg sjølv. Spesielt sidan dei fortalte meg om Slagsmålsklubben, som er ei skammeleg stilig elektronikagruppe frå Sverige. Minnar litt om Kraftwerk, berre spennande, og ikkje tysk.

Samtidig har eg ikkje vore så flink likevel. Utanom det eg har nemnt ovanfor, har eg stort sett bura meg inne og spelt Guitar Hero eller WoW. Spesielt laurdagen var ganske eksepsjonell i så måte, eg kan ikkje huske at eg var utanfor dørstokken min. Hadde eigentleg lyst til å drikke, men så var det volleyballkamp på søndagen. Sidan eg er skikkeleg profesjonell, var eg i seng allereie klokka 03, heile 5 timar før eg skulle avgårde på morgontrening! Dette er for meg imponerande, og det forklarer vel ein heil del om leggetidene mine ellers. Volleyballkampen gjekk forresten greit. For dei volleyballinteresserte, så spelte eg eit og eit halvt sett som libero. Det gjekk greit. Blei ezza ved ein anledning av ein viss Rønneberg, men ellers var det ok, trur eg. Må nesten få mottaksstatistikk av Ivar før eg kan sei noko om det.

Sidan volleyballen gjekk så bra, får me vel berre sei at veka har vore fin. No skal eg berre gjere ferdig career'en min på GH, så skal eg legge meg. Kanskje. Eller nei, då skal eg nok sjå på The O.C.

Livet mitt kjem til å bli ødelagt!

2009-01-16T14:32:00.000-08:00

I dag fekk eg meg Playstation 2 i leiligheten. Eg har også kjøpt Guitar Hero: World Tour. Sia eg allereie er relativt aktiv med å spele WoW, gruar eg meg til å sjå resultatet av nyanskaffingane. Kanskje klarar eg å komme opp på Hard i løpet av våren, men eksamensresultata og det sosiale aktivitetsnivået vil nok gå proporsjonalt nedover. Med ein enda djupare kurve, med andre ord.
Sosial eller ikkje, det er kjekt at det er helg. I morgon skal eg sjå Premier League- tabellen bli slik den er meint til å vere, samt å kanskje vise meg på fest i ungdomshuset i Ølve. Kanskje. Det vil sei, eg har ikkje spesielt lyst, men eg er heime og må vel nesten.

...

2009-01-12T15:47:00.000-08:00

Nokon folk gjer meg så jævlig forbanna. Dei gjer meg så forbanna og skuffa at eg veit ikkje kor eg skal gjere av meg. Skal ikkje gå nærmare inn på saka, ville berre skrive at eg er skikkelig forbanna akkurat no, og eg skulle ønske personen eg er forbanna på kunne lest det. Ikkje at eg trur personen bryr seg, for det gjorde den ikkje når den gjorde meg forbanna heller.

Helvette sattan altso.

Christ...

2009-01-01T06:25:00.000-08:00

Det er berre å beklage det førre innlegget her. Det vart skrive i sterkt påverka tilstand, og mesteparten av bodskapet er berre pisspreik. Likevel er eg stolt over evnen min til å skrive grammatisk korrekt, sjølv i fylla.

Og ja, i dag er ein dårleg dag for meg!

Fyllafest

2008-12-31T17:11:00.000-08:00

Nyttårsaftan viste seg å vere ein stor suksess. I skrivande stund ligg Linn-Christin like ved datamaskina, døddrukken som vanleg, noko eg håpar me alle kan le av i morgon. Lol. Sjølv har eg det utruleg bra, har drukke altfor mykje, men klarar likevel å utføre prikkfri nynorsk grammatikk. Renè vil at eg skal skrive om han, derfor skriv eg at han er altfor full og at han burde gå og spele ein clan war med n00bcrewet sitt. Og så spelar han Source. Lol. Uansett, kvelden har vore bra. Mykje drikke og mange unge altfor fulle jenter å le av. Eg har knapt nok tenkt på at me er i 2009, men det gjer ingenting. Vil gjerne avslutte med å le av Magnus Hanevik sine manglande evner til å synge Viva La Vida av Coldplay. No skal eg finne Knights Of Cydonia på Youtube og spele den, sjølv om ingen andre likar den. God natt.

Jul

2008-12-28T08:19:00.001-08:00

Ja, så var størsteparten av jula over. Og pinnekjøtet har smakt godt, presangane har vore fine, gamle kjente har blitt helst på, romjulscupen på Tysnes enda med gull og jammen har eg ikkje komt meg opp på Medium vanskelighetsgrad i Guitar Hero og. Det har med andre ord vore ei stort sett vellukka jul. No ventar ein forhåpentligvis artig nyttårsfest Hos Martin (moro). Ellers byrjar eg ikkje på skulen før 7.januar (trur eg), noko eg er glad for. Det skal bli godt å slappe av litt før "stresset" på universitetet byrjar igjen.

No skal eg gå og ete julebakst.

Eksamen 2

2008-12-20T12:40:00.001-08:00

Bestått!

Min andre eksamen på UiB resulterte i ein C, noko eg må sei meg greit fornøyd med utfrå tida eg brukte på rein lesing på stoffet. Likevel er det rom for forbetring, som eg neppe kjem til å ta nytte av komande semester. Kjem nok til å verte mykje det same når det gjeld strukturering og disponering av tid.

Det får vente. No er det juleferie.

Eksamen 1

2008-12-17T10:16:00.000-08:00

Bestått!

Første eksamen i ENG101, Fonetikk / Grammatikk er bestått. Det er eg veldig glad for.
Noko eg ikkje er fullt så glad for er at karakteren var den ikkje spesielt tillitsvekkande bokstaven D. Eg får skjerpe meg til neste semester. Naat.

Interessant helg

2008-12-14T14:41:00.000-08:00

På fredag fekk eg låne ho mor sin bil og køyrde avgårde til byn, full av forhåpning om speletid i kampane for Nyborg fredag og laurdag, samt at eg gleda meg til å sjå toppoppgjeret mot Randaberg søndagen. Desse forhåpningane må eg sei at eg fekk nokonlunde oppfylt. På fredag venta eit ikkje altfor imponerande TVN- lag, som me slo komfortabelt. Eg fekk spele omtrent eit halvt sett, inkludert dei siste ballvekslingane som framspelar. Eg fekk til og med legg to gongar på settballen men eg slo feil begge gongane og får nok aldri den sjansen igjen :( Alt skrytet til trenar Ivar må nok byggast opp på nytt no. Trass i fadesen dagen før, sparka ikkje Ivar meg ut av klubben. Istaden fekk eg spele siste settet som libero på laurdagen. Skulle gjerne spelt heile kampen. Søndagen fekk eg naturleg nok ikkje spele. Var ganske skuffa over kor lett me vann kampen, hadde forventa meir trøkk mot oss, men dei sleit enormt med mottaket sitt. Alt i alt ei spelemessig ok helg, verken meir eller mindre.
Utanom volleyballen så koste meg og Børge oss på fredagskvelden med julebrus, godteri og 300, som me sovna midt i. Det var latterlig deilig å kunne for ein gongs skuld sove lenge dagen etter. Etter kampen reiste eg heim og slappa av før eg reiste ut til Loddiken og bowla med gotta. Eg var sjølvsagt enormt dyktig i bowling, og hadde på eit tidspunkt 6 strikes på rad. Etter den suksessfulle bowlingen bar det til ei kebabsjappe ein eller annan stad i utkant-Bergen. Kebaben smakte for det meste dressing, men var ganske godt likevel. Når eg kom heim, spelte eg WoW til klokka 03.00, noko som var litt upraktisk ettersom eg skulle på morgontrening 09.30. Heldigvis gjekk det bra denne gongen. Ettermiddagen gjekk med til å slappe av og sjå handballfinalen før eg køyrde heimover i mors strøkne Toyota. Til slutt enda eg opp her, der eg no gruar meg hinsides til å stå innforjævlig tidlig opp å gå på eit særdeles lite motiverande arbeid.

Heldigvis er det berre ei veke igjen. Då vert det nerding, eting, og fyllesjuka heilt til over nyttår.

Ei brukbar veke

2008-12-07T11:26:00.000-08:00

Det har som tittelen seier vore ei brukbar veke. Den starta kl 0700 på Harding, noko som var ekstremt uvant, då eg har pleidd å stå opp tidligst 0900 gjennom heile hausten. På arbeid har det vore sånn passe mykje å gjere, og jo meir det er å gjere, jo betre er det. På den måten går tida fortare. Klokka tre går eg heim og er glad, men trøytt. Dette har eg gjort måndag til fredag. Etter arbeid har eg først sove, sidan eg vert avsindig trøytt av å stå opp tidleg, og deretter reist på trening, enten i byn eller i Øystese. Det er slitsomt å reise, men det ser såpass lovande ut på begge treningar for både lagets og min eigen del at det går fint. Eg trente fire av dei fem dagane, unnataket var onsdag, då eg var hjå mor mi og bakte sjakkruter, den beste jolekjeksen som finst. Kombinert med ein iskald Hansa Julebrus kom jolestemningen fykande. Likevel var det ting som var meir kjekt og spanande enn jolebrus og sjakkruter denne veka, og det var rankingturneringa i Haukelandshallen i helga. Den endte med ein 5.plass, som var ei forbetring med to plassar frå sist. Me gjekk på eit ekstremt surt tap i kvartfinalen mot eit bra Austevoll-lag. Dagen etter slo me gamlingane frå Åsheim samt studentane frå Bergen, BSI. Det viktigaste med helga var likevel at spelegleda var tilbake. Tidlegare har det rett og slett ikkje vore kjekt å spele for Rossvoll. Etter lengre diskusjonar internt har me funne ei fast oppstilling som me vil satse på og me fekk verkeleg betalt for det. Masse godt spel og fantastisk stemning i laget får meg til å gle meg til neste trening med laget. Eg sit her med ei god kjensle, rett og slett!

Likevel er det noko som murrar under den glade overflata, og det er at eg skal på jobb om 10 timar. Eg gruar meg til å jobbe denne veka. Eg vil helst sitte heime og spele WoW. Men eg treng verkeleg pengane. Og heldigvis har eg noko å sjå fram til, nemleg dei tre elitekampane eg skal vere med Nyborg å spele neste helg. Då blir det hammer time.

Bursdag

2008-11-24T14:02:00.000-08:00

Då var både helga og bursdagen min over. Helga blei prega av at me spelte elendig og tapte kampen mot Koll 2-3. Koll var flinke, men me føler me ga dei sigeren for lett. Dette kom på toppen av ein fryktelig kjedelig dag i Øystesehallen. Forhåpentligvis klarar me å rette på ting til borteoppgjeret mot Nyborg kommande laurdag.
Det vart likevel ein siger i helga, den kom på søndag for Nyborg mot BK Tromsø. Det var vel noko dei fleste forventa, men eg vart likevel overraska over kor svake BKT var. Ein enorm mengde feil og svak blokk fekk meg til å lure på om dei høyrer til i eliteserien. Likevel var det gjevt å få komme innpå i andre sett og ta nokre mottak. Desverre fekk eg ikkje spele meir enn det, noko som skuffa meg ein god del. Jaja. Gjevare var det at Børge fekk blokka inn eit poeng og deretter serve esseeeeh på matchballen! Endå gjevare var det at eg vart kreditert begge poenga på poengliga.no.

Det har ikkje vore lett å merke at det har vore bursdagen min idag. Eg innvilga meg sjølv litt ekstra svevn før eg sette meg i kantina på HF og vart der heilt til eg skulle på trening. Ei koseleg stund med Edita og Eirik (skal ikkje mistolkast). På treninga briljerte eg som oppleggar og griseblokka Morten som vanleg. Etter dette vart eg "lovt" speletid som framspelar mot TVN av Ivar. Eventuelt maste eg meg til det.

Når eg returnerte til der eg sit godt planta no, sofaen, var eg spent på å sjå kor mange sjeler som hadde brydd seg nok til å skrive ei helsing på wallen min på Facebook. Det kom nesten tårer i augo mine når eg hadde 63 notifications. Eg har altså framleis venner. Det er koseleg.

Travelt

2008-11-21T15:52:00.000-08:00

Det er mykje som skal skje no i tida framover. Først og fremst skal eg spele kamp i helga, mot Koll i Øystese seinare i dag laurdag. Så skal eg stå i oppvarmingsboksen for Nyborg mot Tromsø på søndag. Det kan bli kjekt det, ilag med Børge.

Så, etter helga, ventar to dagar med intens pugging på transcription, intonation, allophones, phoneme labels, sentence analysis, verb phrases, it/there, relative pronouns og anna lett, morosamt pensum. Det skal altså puggast til eksamen. Og ikkje nok med det, når eg er ferdig med eksamen på onsdag ventar Emerson, Thoreau, Dickinson og Whitman med vener på meg i litteratursamlinga frå helvete, Norton Antology.

Forhåpentligvis endar veka lukkeleg med to vellukka eksamenar, slik at eg kan drikke altfor mykje øl med god samvit etter kampen mot Nyborg i 1.div neste helg. Forhåpentlegvis er eg då også i stand til å møte på Harding på mandagen etter det, noko som markerer starten på ein arbeidsperiode som varer heilt fram til jul.

Sidan de sannsynlegvis mista interessa etter oppramsinga av det eg skal lese på eksamen, skal eg fri dykk frå smerten no. Gå og gjer noko fornuftig i staden for å lese denne bloggen, som denne gongen vert skrive på utelukkande fordi eg ikkje har tilgong til WoW for augneblinken.

Frihelg

2008-11-15T09:53:00.000-08:00

I helga har eg frihelg. Gårsdagen tilbrakte eg for det meste hos Edita, som diska opp med pastasalat, noko som smakte fortreffeleg. Takk! Deretter bar det på trening, før eg for opp til Nadia på vors før byn venta. Det var ikkje den beste byturen eg har vore med på, men ølet eg drakk smakte faktisk like bra som pastasalaten til Edita. Etter relativt mykje søvn, sto eg opp og for seinare til Stemmemyren for å sjå på Janne og dei spele mot BSI. Ein kjekk kamp. Så såg eg siste halvtimen av United-Stoke, før eg no har komt meg opp her og prøver å motivere meg til å lage noko mat. Ikkje umulig at eg blir sittande i sofaen ei god stund til. Og oppvasken blir iallfall ikkje tatt. Og ja, det er stort sett samme oppvask som sist eg nevnte den det gjeld.
Bleh.

Election Night

2008-11-04T17:09:00.001-08:00

Oioioi, no er det val i USA. Kroppen sitrar av spenning. Korleis skal dette gå?
Okei då. Eg verken forstår eller bryr meg om valget i USA. Eg må vel nesten sei at eg heiar på Barack Obama, på grunn av "Barack My World" t-skjorta, samt at han er svart. Eg heiar ikkje nødvendigvis på han berre fordi han er svart, men det har seg sånn at ein av dei kulaste negrane eg veit om også var president, i 24. David Palmer er i nærheten av pallen på lista over kulaste tv-karakterar. Uansett, eg skal ikkje grine dersom Obama går på ein smell. No sit eg oppe og føl med på korleis valet går.

Men oi, no kom eg på noko.
1. Eg bryr meg fint lite.
2. Eg treng svevn.

God natt.

Ny veke i møte

2008-11-02T16:34:00.000-08:00

Jau, då var det søndagskveld (natt, eigentleg), og eg er som alltid topp motivert til å gå på skulen i morgon. Eg har fått lada opp batteria denne helga, for eg har nesten ikkje gjort nokon ting. Dei 6 kampane eg spelte, samt tur/retur Drammen med tog, har ikkje tæra på kreftene, det har snarare gitt meg ekstra krutt til kvardagen. Eg gler meg til å jobbe med oppgåva denne veka, som eg har komt VELDIG godt i gong med, som skal vere ferdig til fredag. Eg gler meg og til eksamen, som eg har lest veldig masse til. Det blir skikkelig trist når eg i desember vender nasen heimover til Ølve for å jobbe, tene pengar og ete masse gratis mat og kose meg føre dataskjermen i timesvis. No gler eg meg, og tel ned timane, til eg skal høyre ei hippie-dame snakke om postmodernisme i to timar. Det blir og fryktelig kjekt å ta oppvasken etterpå.

Og ja. Du har rett. Alt eg har skreve i dette blogginnlegget er ironi. Dette blir ei innihelvettes tung veke.

NM

2008-10-27T18:45:00.000-07:00

I helga var det Norgesrunden, altså cup. På laurdagen spelte me mot Trio og BSI om retten til å spele mot Nyborg i "åttandedelsfinalen". Me vann begge kampane 3-1 utan å anstrenge oss for mykje. Dagen etterpå venta derfor Nyborg sitt elitelag på andre sida i Stemmemyren. Me tapte 0-3, men spelte veldig bra, iallfall dei to første setta. Det siste vart litt stygt, men det gjer ingenting. Det var ein kjekk kamp. Kjekt å spele mot dei eg trenar med. No er det igjen tysdag. Kjedelig å gå på skulen. Eg gler meg stort til å reise til Lier på fredag for å spele rankingturnering. Eg gler meg og stort til neste helg eg har fri. Då skal eg drikke meg sanselaust full.

Helg i Øystese

2008-10-21T06:09:00.000-07:00

I helga var eg for det meste i Øystese. Eg reiste inn der på laurdags ettermiddag for å spele for Rossvoll mot ToppVolley. Den kampen vann me greit 3-0 utan å ta ut vårt beste. Etter kampen reiste eg heim til Børge og fekk ein dusj og god mat (sjølv om Børge meinte det var råtamat). Etterpå herja me i volleyballspelet hans, der me som Brasil tapte ein jamn kamp med stormakta Luxembourg. Etter det fekk endelig Børge sjå The Illusionist som han har mast om dei siste vekene. Trass i dei enorme forventningane var ikkje filmen skuffande. Deretter la me oss.
Dagen etter venta ein fint lite innhaldsrik dag i hallen i Øystese, som sekretariat-dude. Kjedelig. Etter det reiste eg til byn og sprang på Stadion for å sjå Brann-Stabæk. Det vart ein frustrerande kamp med ein retardert dommar og ein pinglete liten brasilianar som hovudingrediensar. Eg har nok ikkje vore så hissig på kamp på nokre år. Me tapte iallfall 1-2, noko som ikkje var fortent mot 14 mann.
I dag er det tysdag og det har vore nokre tunge dagar med kjedelig skule og lite søvn (som vanleg). Men no er det MacGyver og då ordnar alt seg.

Helg i Osjlo

2008-10-13T04:37:00.000-07:00

Det gjekk nok ein gong dårleg for oss i helga. Me tapte 3-1 begge kampane. Den første spelte me elendig og burde ha vunne, den andre var motstanderen litt for god. Men, me gler oss til å banke barnehagebarna frå ToppVolley neste helg.

Sidan volleyballen var så kjip vil eg heller fortelje om helga utanom som var ein mykje større suksess. Me køyrde frå Øystese fredag ettermiddag, og det blei ein håplaust langdryg tur. Berre Kristian Valen og Burt Reynolds, samt Metallica og Placebo og litt bensinstasjonmat redda meg frå kjedelighetsavgrunnen. Når me kom fram var det eigentleg berre til å legge seg. Eg sov omlag 2 timar. På laurdagskvelden rånte me gjennom Oslo til fots ei stund for å finne ein god stad å ete. Dette gjorde me i sikkert ein time før me fann ut at McDonald's var det beste alternativet. Det er ikkje feil å sei at me kasta vekk ein del tid. Etter det kjernesunne måltidet fann me ut at me ville gå på kino. Filmtilbodet er for tida råtent, derfor fell valget på den einaste filmen som såg ut som den var underhaldande på ein laurdagskveld, Fritt Vilt II. Trass i Børge og Erlend si enorme frykt for skrekkfilmar. Filmen var grei nok, mange fine "er-det-nokon-der-eller-er-det-berre-ein-søt-liten-gut"-augneblink. Behaldningen og den store underhaldningen sto likevel dei 14-60 år gamle kvinnelege sjåarane for. Det var stort sett dei som fekk meg skremt, ikkje filmen. Når sjokket hadde lagt seg og øyrene mine fungerte normalt igjen etter hylinga var det ganske morosamt å tenke på. Ansiktsuttrykket til Børge, godt skjult av gensaren han holdt føre fjeset, var og verdt dei 90 kronene.
Etter filmen gjekk me heim og la oss. Eit vorspiel på andre sida av gata heldt meg våken til omlag 3-4 på natta. Morgonen etter var det såvidt me på 507 fekk kara oss ut av dørene på grunn av at me såg You Don't Mess With The Zohan. Den var ein sånn film som du er flau over å le masse av. Så reiste me og spelte kamp, deretter venta ein lang heimtur.
På heimturen vart store hemmelighetar avslørte. Dei aller fleste omhandla Erlend Mæland. Og det var jævla morosamt.

Det vart avslørt at nokre jenter har utført seksuelle handlingar på Erlend på trening. Dette har eg fått frå sikre kjelder innad i volleyballmiljøet i Øystese. Eg skal ikkje avsløre heilt kva jentene heiter, men eg kan avsløre at den eine byrjar på M og sluttar på aren Myrvang, og at den andre har van Hoek til etternamn. Dette skriv eg eigentleg berre for å plage Erlend. For no skal eg be Børge vise denne bloggen til alle i Øystese.

Spanande helg

2008-10-09T05:52:00.001-07:00

Til helga ventar som skreve tidlegare Koll og OSI i Kringsjåhallen og i Domusa.
Det vert spanande å sjå om me kan reise oss etter den elendige kampen i Øystese sist. Det vert uansett ein kjekk tur. Eg skal få Børge til å skrive referat etter kampane. Eg skal iallfall prøve.
Sjølv er eg no nesten 100% etter strekken som har hemma meg dei siste vekene. Det er kjekt å kunne yte maks igjen.

Knusing

2008-10-09T05:47:00.000-07:00

Dette kjem litt seint, men eg spelte i helga littegrann for Nyborg mot Kristiansund. Eg fekk ein serve og nokre rotasjonar bak. Hurra. Greit å få debutere, men det var litt kjedelig at motstanden var så dårleg. Kristiansund hadde vel ein mottaksprosent på rundt 20% perfekt, noko som i elitevolleyball er skammeleg dårleg. Det mest skremmande er at dei får relativt mange poeng på angrepsfeil frå oss! Eg trur fort 1.divisjonslaget kunne gitt det KVBK-laget god motstand. Samme det. Neste elitekamp er mot Førde heime i Stemmemyren. Eg håpar på speletid, men forventar ingenting. Det viktigaste er at Rubix ikkje får slå inn noko.

Åt helvete

2008-10-04T10:53:00.000-07:00

Det gjekk elendig i dag. Me tapte 1-3 etter å ha spelt 3 og eit halvt dårleg sett.
Me gjer for mykje feil og er for upresise, derfor klarar me sjelden bryte serven til Austevoll, og når me blokkar og angriper med litt vel stor feilmargin så vert det vanskeleg å vinne volleyballkampar. Det var positive ting å ta med seg, men dei giddar eg ikkje bry meg med. No skal me forsøke å trene på dei tinga me ikkje var så gode på i dag, og så spele betre mot Koll og OSI i Oslo neste helg. Det er me nødd til.

Kamp

2008-10-04T02:57:00.000-07:00

I dag spelar me mot Austevoll i Øystese. Kampen går kl 1530, og eg forventar at alle som les bloggen stiller opp med andletsmaling og duskar. For dei som ikkje let seg friste, kan de lese eit lite referat som eg har tenkt å få Børge til å skrive etter kampen.

Skada på ordentlig?

2008-10-01T09:04:00.000-07:00

No har eg i mange år klagd over vondtar rundt om på kroppen som eigentleg ikkje er så alvorleg.
Alltid vondt, aldri skada, er mottoet mitt sånn sett. No i dag når eg våkna kan kanskje den situasjonen endra seg. Eg klarte omtrent ikkje å stå opp. Lurer på om det er ein aldri så liten betennelse i lysken. No sit eg åleine i leilegheita og knaskar Ibux mens eg ser på ein tv-skjerm med kun snø på (gjett om eg har gløymt å skaffe meg RiksTv) og håpar at alt går over til helga.

Men det gjer det nok ikkje.

Siger

2008-09-29T02:44:00.000-07:00

Me spelte første kampen vår i 1.divisjon i helga. Det var BSI som kom på besøk.
Det hadde vore halldag før på dagen, og det var derfor relativt tett befolka på tribunen, noko som var kjekt. Det var nok alle tilskodarane som skremte BSI til å spele dårleg. Det kan ein skjøne, då BSI aldri har sett så mange tilskodarar før.
Sjølve kampen var heilt elendig. Første settet er prega av nervøsitet, og me får ikkje spelet godt nok til. Det er litt som må rettast må i samspelet i forhold til oppleggjar. Likevel, etter 3 ganske svake sett klarte me å dra heim sigeren, like mykje takka vere BSI sin svakhet som vår dyktighet. I tillegg fekk me litt hjelp frå dommarane, som gjorde ein skuffande dårleg jobb. Det virka som om Jogeir vart litt sett ut av kampen av det.
Det som var dumt med sigeren, var at på grunn av rot med kva klubb me speler som, kontrakter osv. kunne ikkje spelarar som Gaute, Jon Asle og Bert få speletid på grunn av at dei hadde ikkje løyve. Veldig synd, men eg trur alle forsto kor vanskeleg det mongoloide forbundet hadde gjort det for oss (les: David Cox).
Me får håpe dei kjem sterkare tilbake når dei har lov å spele. No ser eg fram mot helga, der eg håpar på speletid for Nyborg mot Kristiansund. Pass deg, Lamberg!

MSN Space

2008-09-26T17:03:00.001-07:00

Eg kom over det gamle MSN- spacet mitt i kveld.
Eg fann ut at eg hadde faktisk blogga litt på mine yngre dagar.
Fann ut at eg ville publisere desse innlegga opp att, for å vise verda kor utakknemlig og bedriten eg var (og er, strengt tatt).
Nedover finn du altså fem innlegg som er rundt tre år gamle. Nyt dei, og så star du fritt til å kommentere og gjere hensynslaust narr etterpå. Eg unnar dykk alle det.

Nok ein tåpeleg blogg som blei gjort når eg eigentleg burde sove

2008-09-26T16:54:00.002-07:00

Til alle dei drøyt ti personane som besøker spacet mitt årleg, takk for besøket, sjølv om eg etter alt sannsyn drit i dykk.

Eg skal ikkje skrive nokon lang stil, det trur eg det berre er Hild som gidd lide seg gjennom. Og emoar. (Fordi dei vil lide, for dei som ikkje tok den med ein gong)

Uansett er det ein del ting eg treng å få sagt. Eller, dersom eg presiserer det, ein del ting eg treng å få sagt at eg hatar.

- Byggfag-gutane i Arna. Kvifor? Dei er ekstremt irriterande, mykje høgare enn meg og høyres konstant ut som aper på speed. Eller Cola. Wh'evvah.

- Gymklassen min, fortrinnvis TFF-gruppa, som har forveksla Gym med Gum, so vel forklarar kvifor dei tygg tyggis i staden for å engasjere seg i timen. Dette kan lett irritere meg, heldigvis slår eg ikkje jenter. Nesten. Eller, nei, eg gjer aldri det.

- Å bli fotografert. Dette står høgt på lista. Åh jøssenavn, dette står kjempehøgt på lista. Eg ser verkeleg jævlig ut på bilete.

- Doddisar. Folk som går med meir gelè i håret kvar dag enn det som blir produsert på Freia, glinsar i regnet med dei vene dobbane sine, kler seg i klede som kan beskrivast med stikkord som lyse, homofile, ekle, stygge, jævlige, fortrinnsvis bukser som ser ut som hunden halvvegs har ete opp i løpetida, beltespenner med tiger- eller pornomotiv som er like store som skoa deira, som forøvrig ALLTID er krittkvite, med ei dongeribukse stappa nedi dei.

Tullingalarmen går snart for meg.
- Feitingar. Er eg slem dersom eg spør feitingar på McDonalds om dei verkeleg har godt av Super Duper Giant Maxi Big Mac, pommes frites- og Nuggetsmenyen dei skal til å hive innpå? Eg syns ikkje det. Folk som tar opp to sete på bussen, to seter på Brann Stadion og som heilt naturleg og praktisk rullar frå A til B i staden for å GÅ, fortjener ikkje noko som helst, iallfall ikkje mat.

- Byfolk som ikkje godtar dialektar. Sjølv om dei gir uttrykk for at dei synest at folk med dialekt er bondeknølar, og at nynorsk er for frittgåande tullebukkar, trur eg nok det er eit fundament av misunning som gjer det. Nynorsk er mykje KULARE enn bokmål, og dei som snakkar dialekt er MEIR UNIK enn drittungar med bergensdialekt. Eg skal vere kjemperask å presisere at dette gjeld laaaangt frå alle bergensarar.

- MSN Space- bloggar. Fy faen no er eg lei av å skrive. Denne tida kunne eg brukt på å skrive artikkel der eg tar opp spørsmålet om Norge er verdas beste land å bu i. Denne kunne eg levert inn til Hild, og Hild hadde blitt glad og sjansen er stor for at eg hadde fått ein respektabel karakter. Men nei. Dumme MSN Space sin bloggfunksjon.

Eg bør sove.

Kan jo avslutte med at Norge blir aldri verdas beste land å bu i dersom eg må leve med Byggfag i Arna, Gymklassen min, Faren for å bli Fotografert, Doddisar, Feitingar og Byfolk som ikkje godtar dialektar.

Slik ER det berre.

PS: Eg hatar og Fet Skrift- funksjonen på MSN Space blogg- tingen.

Über und aus, Satans Eier.